Resultado Beisbòl Veterano skèdjel i reglanan weganan di deskite di Beisbòl Dòbel A
Marchena Stars ta gana Jandoret Raiders den Beisbòl Veterano
WILLEMSTAD- Marchena Stars a nota 4 kareda den nan último chèns, pa laga Jandoret Raiders den tereno djasabra na Vi Jansen Ballpark. Jandoret tabata falta 2 out pa sigurá nan klasifikashon den 40+ di Beisbòl Veterano, pero Marchena ta rèli pa 4 kareda i gana e wega. Falta dos wikènt mas pa terminá kampionato regular i ta solamente 3 ekipo a sigurá nan klasifikashon. Ekiponan Quality Stars, Santa Maria i Isla Crackers a sigurá nan klasifikashon. Den otro weganan di wikènt Quality a superá Azucar ganando 7-2, Santa Maria a dal Marlins 11-3. Djadumingu The Brothers a gana Vosama 9 pa 2 i Isla Crackers a bin djatras pa gana Santa Rosa 14-11.
LIGA 40+
Djasabra 1 òktober
Quality Stars 7, Azucar 2
Quality tabatin 13 hit i 0 eror. Picher ganadó tabata Rodney Michel. Senny Petronella a bai di 3-3.
Azucar a dal 5 hit i nan a hunga sin eror. Picher pèrdèdó a resultá Raymond Soerka. Reynold Valeriano a bai di 2-2 i Jeffrey Thompson di 1-1.
Marchena Stars 5, Jandoret Raiders 4
Marchena a bati 7 hit i kometé 1 eror. Raily Cordilia a gana. Ruthgard Lunkers a bai di 1-1. Jurien Martina i Wildrin Molina, ámbos a bai di 3-2. Jandoret tabatin 8 hit i 1 eror. Earl Virginia a pèrdè. Jeffrey Martina i Angelo Martina, ámbos di 1-1 i Earl Virginia di 3-2.
Sta Maria Pirates 11, Marlins 3
Sta Maria a konektá 11 hit i kometé 1 eror. Picher ganadó tabata Rodreck Zimmerman. Ryan Ogenio a bai di 3-3 i Gerald Zimmerman di 1-1. Marlins a bati 5 hit i nan a hasi 6 eror. Picher pèrdèdó a resultá Orlando Gerard. Freddy Castillo Garrida a bai di 2-2.
Djadumingu 2 òktober
The Brothers 9, Vosama 2
The Brothers tabatin 9 hit i 2 eror. Bryon Kook a gana i e mes a bai di 1-1; Reginald Pietersz i Rignaldo Giterson, ámbos di 3-2. Vosama a dal 5 hit i hasi 8 eror. Felix Ibañez a pèrdè. Ryan Imperator a bai di 1-1.
Isla Crackers 14, Sta Rosa Memories 11
Isla a dal 8 hit i hunga sin eror. Marlon Balentin a gana. Quincy Kook a bai di 2-2 i Roderick Sambo di 1-1.
Sta Rosa tabatin 6 hit i 2 eror. Cedric Antonia a pèrdè. Randy Lo-A-Tjong i Egbert Polonius, ámbos di 1-1.
Isla Crackers a sigurá di 3 lugá i ta pendiente pa wak ken ta terminá number 2, Santa Maria òf Quality Stars.
LIGA 50+
Jandoret Raiders 15, Veteranos Otrobanda 0
Jandoret a konektá 14 hit i kometé 1 eror. Picher ganadó tabata Clifton Yziek. Angelo Martina a bai di 2-2. Myron Wijman, Marvin Wijman i Maikel Melfor, tur a bai di 3-2. Pa Otrobanda 3 hit i 3 eror. Picher pèrdèdó a resultá Ramon Cabrera. Earning Sterling, Miguel Velasquez i Philogene Strick, tur di 2-1.
Standing Liga 40 te ku 2 di òktober
1 Quality Stars 18 – 2;
2 Sta Maria Pirates 18 – 3;
3 Isla Crackers 17 – 4;
4 Jandoret Raiders 12 – 8;
4 The Brothers 12 – 8;
6 Vosama 12 – 9;
7 Sta Rosa Memories 11 – 10;
8 Azucar 8 – 12;
9 Marchena Stars 6 – 14;
10 Marlins 4 – 16;
11 Yesterday 3 – 17;
12 Vet. Otrobanda 1 – 19.
Standing Liga 50 te ku 2 di òktober
1 Jandoret Raiders 5 – 0;
2 Yesterday 3 – 0;
3 Sigui Hunga 1 – 3;
4 Vosama 1 – 4;
4 Vet. Otrobanda 1 – 4.
DESKITE PLAY-OFF DÒBEL A
Na ki posishon bo ekipo faborito lo drenta play off?
#2? #3? #4?
Yega stadion Johnny Vrutaal (RIF) pabo disfruta di e partidonan aki i sostene bo ekipo pa sa unda nan lo sali hunga den playoff 2022.
Lesa aki e puntonan di atenshon pa e Tie-Break Series aki.
Laga nos sa den e sekshon di komentario ken segun abo lo termina na #2,3,4.
Puntonan di Atenshon Tie Break Series League AA 2022,
- Standing final di e series aki lo determina posishon pa playoff.
> E ekipo ku keda na #1 den e series aki lo ta #2 di standing final
> E ekipo ku keda na #2 den e series aki lo ta #3 di standing final
> E ekipo ku keda na #3 den e series aki lo ta #4 di standing final
-Na final di e series aki lo usa rekòrt di wega gana i pèrdí den e series pa determiná e standing di e series.
- Si tin mas ku 2 ekipo ku terminá ku mesun rekòrt lo wak kareda kontra durante e series pa determiná standing di e series i kibra e empate. E ekipo ku menos kareda kontra lo terminá na e posishon mas haltu.
- Si ahinda tin empate lo wak kareda anotá durante e series. E ekipo ku mas kareda anotá lo termina na e posishon mas haltu.
- Si ahinda tin empate lo tira lot.
- Tur wega lo wòrdu hunga ku un limite di 7 Ining.
- Regla di Blackout ta keda vigente segun nos Competitie reglement
- Regla di Knock out NO ta vigente.
- Speed-up rule i tur sobra regla ta keda vigente
- Home Team lo wordu determina via di toss.
Eksitoso evento Best Target Hitter na Yubi Evertsz Batting Tunnel
WILLEMSTAD - Yubi Evertsz Batting Tunnel ta yama danki i ta hopi agradisido na tur ku a yuda i duna nan aporte pa e di “6th best targer hitter event” aki por a bira un éksito e aña aki atrobe. Hopi hóben a partisipá i kompetí fuertemente kontra di otro. E aña aki nos tabata tin 4 ganadó en total. Kual ta mas tantu ku tur e otro añanan. Yubi Evertsz Batting Tunnel ta kontentu ku esaki, pasobra esaki ta nos meta tambe. Pues pa mas hende posibel por gana. Tabata tin 2 ganadó ku a defendé nan título di aña pasá, kualnan ta Daan Hoogenbergen di 14 aña i Nathanael Jansen di 7 aña. Daan tin dos aña konsekutivo ta gana i Nathanael 3 aña konsekutivo.
INFORMASHON DI BEISBÒL I SÒFTBÒL
Fanátikonan di Deporte Kòrsou, bondia. Djamars tabata último wega di Beisbòl Dòbel A pa loke ta trata temporada regular. Play-off ta pendiente pa start pronto, dependé e wega di ayera. Royal Scorpions a gana i a bini lo un tripel empate entre number 1, 2 i 3 di Beisbòl Dòbel A. Ta trata aki di ekiponan Santa Maria Pirates, Santa Rosa Indians i Royal Scorpions. Play-off ta pendiente pa start dia 12 (djarason) di òktober. Nos ta pendiente pa skèdjel di e weganan di deskite entre e ekiponan ariba menshoná. Play-off ta bai bira kayente naturalmente i lo start ku wega entre number 5 i 6, despues ganadó di 5 i 6 kontra di 4. Na momentu ku e number 4 ta konosí lo start ku play-off semi-final.
* * * * *
Promé ku e wega di ayera Swindley Lint di Santa Rosa Indians tabata lider den bateo i probablemente kampion bate ku average di .432. Ta sigi Calten Daal (Santa Rosa) ku .423. Yurendell de Caster di Santa Maria veteranísimo ku tin 43 aña tin average di .417. Raysheandall Michel (Wild Cats) tin .413 i Shurendell Mujica .412. Pa loke ta trata RBI, esta kareda empuhá, Raysheandall Michel (Wild Cats) tin 38. Ta sigi Kevin Moesquit (Santa Maria) ku 30, Yurendell de Caster (Santa Maria) 28, Calten Daal (Santa Rosa) 27, Rochendrick Alexander (Santa Rosa) 27. Si nos para ketu na e nòmbernan aki, ta solamente Swindley Lint ku a bira kampion bate no a hunga profeshonal, pero si riba nivel di College na USA.
* * * * *
Den picheo Jordan Lucas di Santa Rosa ta lider den ERA ku 2.62, sigi pa Ruderly Manuel (Wild Cats) 4.02, Cerilio Soleana (Royal Scorpions) 4.55, Temesh Lourens (Royal Scorpions) 4.59, Jeandrick Lourens (Groot Kwartier) 4.97. Ruderly Manuel ta lider den ponche ku 47, sigí pa Cedeon Langguth (Firebirds) 45, Temesh Lourens (Royal Scorpions) 42, Ramses Jamanika (Marchena Braves) i Cerilio Soleana (Royal Scorpions) 38. Pa loke ta averagenan kolektivo, Wild Cats tin .326 den bateo, ERA di 5.28. Santa Rosa Indians tin un average di .329 di bateo, 6.39 di ERA i 9.48 den defensa. Santa Maria Pirates tin un bateo resio di .351, picheo ERA di 6.91, defensa 9.61. Royal Scorpions promé ku e wega di ayera tabatin bateo .299, picheo 6.16 i defensa .965.
* * * * *
Play-off Liga di Nos Tur ta start djabièrnè awor na Frank Curiel Ballpark. Ekiponan Un Kara, Sin Stress, Chilling i Shining Stars lo bai kompetí. Un Kara ku a terminá na promé lugá lo topa ku Sin Stress number 2 pa 8’or di anochi. Despues pa 9.45 lo sigi wega entre Chilling (number 3 ) i Shining Stars (number 4). Djasabra 8 di oktober lo ta Shining Stars kontra di Chilling pa 8’or sigí pa Sin Stress kontra Un Kara. Djabièrnè 14 di òktober lo tin Un Kara – Sin Stress promé wega i Chilling kontra Shining Stars di 2 wega. E weganan ei si ta nesesario.
* * * * *
Liga 50 ta sigi ku wega kayente entre Marlins i Jaws na Van Engelen Ballpark djasabra 12’or. E otro weganan ta 10.00 Baranka- Sluggers, 14.00 Flamboyan-Artemisia, 16.00 Catpower – Ban Serio. Stanley Palm ta lider den bateo den Liga 50. Stanley Palm a bati di 3-2 den e wega di su ekipo Flamboyan Tigers djasabra kontra di Jaws i tin average di .679. Rigobert Cijntje di Ban Serio ta number 2 Liga 50 ku average di .656. Ela baI di 3-2 den e wega ku Ban Serio a pèrdè ku skor di 11-6 kontra di Baranka. Hellary Plantijn di Jaws ta lider den RBI ku 18. Ramon Cabrera di Ban Serio ta lider den ERA ku 4.45, riba Kenny Hellement di Baranka ku tin 4.86. Kenny Hellement ta lider den ponche ku 19.
* * * * *
Beisbòl Veterano ta kandela wikènt awor ku wega entre Jandoret Raiders vs Santa Maria djadumingu 10.30. Djasabra ta The Brothers kontra Santa Rosa Memories den otro wega fèrfelu pa tur dos ekipo. Santa Rosa mester gana pa keda ku chèns di terminá number 5 òf 6 den Beisbòl Veterano 40+. Nos ta keda te aki pa awe.
