Resultadonan di djarason den Little League Aruba & Curacao Baseball Classic
WILLEMSTAD.- Djarason 28 di yüli 2021 tabata e di 3 fecha di kompetensia den e Little League Aruba & Curacao Baseball Classic entre Aruba i Kòrsou. Aruba djarason a logra su promé viktoria, na momento ku den Minor Aruba Center a gana di Pariba di Kòrsou ku skor grandi di 19 pa 5. Den e otro weganan Intermediate Pariba a gana Aruba North 8-2 i Pariba Korsou a gana Aruba 6-1 den Little.
INTERMEDIATE
Pariba 8, Aruba North 2
E ekipo Pariba di Kòrsou a logra viktoria di 8-2 riba Aruba North den Intermediate. Pa Pariba 8 kareda, 6 hit i 2 eror. Renzo Balentien a bati di 4-3 i Jeremy Goilo di 2-2 ku 2 RBI. Jeremy Goilo a konektá homerun. Rowendrick Hooi tabata e picher ganadó.
Pa Aruba North 2 kareda riba 7 hit i 4 eror. Ava Lee a liga di 2-2. Milan Patrochi a lansa 3 entrada di 4H, 5S), 1 BB i 4 kareda i a karga ku e derota.
MINOR
Aruba Center 19, Pariba 5
Pa Aruba Center 19 kareda riba 7 hit i 0 eror. Henry Kransen a bati di 3-2 ku 2 kareda empuhá i e mes skor 4x. Kransen mes tabata e picher ganadó.
Pa Pariba 5-6-5. Rayvison Gijsbertha i Gianniro Martina a liga di 1-1 kada un. Gianniro Martina a karga ku e derota, despues di a tira e di dos entrada.
LITTLE
Pariba 6, Aruba North 1
Pa Pariba 6 kareda, 7 hit i 0 eror. Raynor Martes a bati di 1-1. Deverson Papa komo di tres picher a lansa 1.2 inning ku 2 SO i a gana e partido.
Aruba North 1 kareda riba 3 hit i 2 eror. Ashwar Sprok a liga di 1-1. Sicnarf Kelly tabata e picher pèrdèdó.
.
