Resultadonan di Latino Intermediate ku ta tumando lugá na den Stadion Post 6
Kòrsou Pabou ta nòkout Colombia 17 pa 3
WILLEMSTAD – Selekshon di Kòrsou Pabou a pasa fásil riba Colombia ganando ku skor di 17 pa 3 den e wega despues di e apertura ofishal. Jay Diar Kopra ku a habri pa Pabou a tira fásil pa bira e picher ganadó. Gilventon Josephina prospekto kètcher di Intermediate Pabou tabata grandi bayendo di 4-4 ku 3 doblete i un tripel i tres kareda empuhá. Reagan Randt a bati di 2-2 ku un homerun di 3 kareda.
NUMERITONAN
Pabou a skor 17 kareda, bati 12 hit i hunga sin kometé eror. Jay Diar Kopra tabata e picher ganadó. Josephina di 4-4, Randt di 2-2 ku un homerun.
Colombia a nota 3 kareda, dal 2 hit i hasi 6 eror. Picher pèrdèdó tabata Angel Torres Fernandez. Matias Palacio Arjona a bati di 1-1.
Kòrsou Pariba ta gana Aruba 13-0 den Latino intermediate
WILEMSTAD- Kòrsou ku tremendo picheo di Ayden Calmes i bateo oportuno a dal e selekshon di Aruba ku skor di 13-0. Tabata e promé wega di e kampionato Latino Americano di Intermediate ku a start ayera den Stadion Post 6. Kòrsou Pariba a nota 1 kareda den promé inning, 1 den di 2 inning, 6 kareda den di 4 inning pa despues nota 5 mas pa habri e wega for di otro. Aruba a konektá solamente dos hit i tur 2 tabata for di den promé inning.
NUMERITORNAN
Kòrsou Pariba a nota na 13 okashon, dal 14 hit I hunga sin eror. Ayden Calmes a gana. Franjean Haseth, Tayrino Bautisma i Guillon Sebastiana a bati di 3-2. Kyle Haseth a bati di 2-2.
Aruba a konektá 2 hit i hasi 3 eror. Jorvin Willems tabata e picher pèrdèdó i Ayden Hewitt a bati di 2-1. Dylan de Leca di 3-1.
Apertura ofishal di Kampionato Latino Intermediate
WILLEMSTAD – Djaluna, 27 di yüni 2022 tabatin apertura ofishal di kampionato Latino Intermediate den Stadion Post 6. Despues di e promé partido entre Kòrsou Pariba i Aruba, ekiponan partisipante na e torneo a desfilá drenta Stadion Post 6 for di Rightfield i pasa dilanti di e públiko presente pa risibí aplousonan. Despues di interpretashon di himno di e paisnan partisipante a sigi orashon di Mgr Luis Secco. A hiba palabra direktor di kampionato Norval ‘Payo’ Faneyte i Branch Manager di RBC Royal Bank, Sharier Dorand. Segidamente Minister di Ekonomia i Tursimo sr. Ruisandro Cijntje, Minister di Ensenansa, Siensa, Kultura i Deporte sr. Sythree van Heydoorn i finalmente District Administrator sr. Urny Floran di su speech sr. Floran a deklará e kampionato habrí.
Minister di Deporte a tira promé bala. Kètcher tabata Rusiandro Cijntje i Sharier Dorand tabata batiadó.
Djamars 28 di yüni
Aruba 9, Meksiko 7
Aruba tabatin 8 hit ku 3 eror. Noah Hewitt a gana. Regan Koolman ku Jeandrey Winterdal, ámbos a bai di 1-1. Zair Tromp, Noah Hewitt ku Justin Hernandez. Tur a bai di 2-1. Pa Meksiko 9 hit ku 1 eror.
Leonel Alexis Bustos Gutierrez a pèrdè i e mes a bati di 1-1. Fernando de la Rosa a bai di 3-2.
Meksiko 12, Colombia 2
Meksiko tabatin 8 hit ku 1 eror. Guillermo Hernandez tabata ganadó. Sebastian Rivera Berlanga a bai di 2-2. Jose Carlos Jaime Montes, Alexis Manuel Cervantes Garza ku Fernando de la Rosa, tur a bati di 1-1. Colombia a dal 4 hit i hasi 4 eror. Jesus Sarmiento Pelaez a resultá pèrdèdó. Mathew Naid Contreras a bai di 2-2 i Ivan Martinez Aparicio a bai di 2-1.
Fanátikonan di Méksiko durante kampionato di Latino Intermediate den Stadion Post 6
Kòrsou Pariba 22, Colombia 10
Kòrsou Pariba a dal 13 hit i nan a kometé 4 eror. Deverson Papa tabata ganadó. Jurrion Eugenia i Zidanne Attaf, ámbos di 1-1. Tayrino Bautisma ku Ayden Calmes, tur 2 a bati di 2-1. Tizaino Maximiliana a bai di 3-3 i Simon Rodriguez di 3-2. Colombia tabatin 11 hit ku 3 eror. Santiago Cabarcas Rojas a resultá pèrdèdó. Jesus Sarmiento Pelaez a bai di 1-1. Emmanuel Cabadia a bai di 2-1. Ivan Martinez Aparicio a bai di 2-2. Santiago Cabarcas Rojas ku Nestor Lloreda Torres, ámbos di 2-1.
Kòrsou Pabou 15, Aruba 4
Kòrsou Pabou tabatin 17 hit ku 1 eror. Derickson Doran tabata ganadó. Cleaten Sille a bai di 2-2. Jay-dair Kopra, Zazil Schoop i Rigadon Raap, tur 3 a bai di 1-1. Reagan Randt Kirindongo, Isaac Acosta i Shackleyson Margarita, tur a bai di 2-1. Sherrintley Da Costa Gomez a konektá 1 homerun. Pa Aruba 4 hit ku 3 eror. Regan Koolman a resultá pèrdèdó. Jovin Willems i Noah Hewitt, ámbos di 1-1 i Xyron Jacobs a bai di 2-1.
MAS INFIRMASHON DI INTERMEDIATE
Bon públiko riba e promé fecha, pero no yen yen ainda. Den tribunanan tras di home plate tabatin algun lugá. Selekshon Colombia a habri ku un picher ku un estatura impreshonante ku ta Angel Torres Fernandez. E kècher di e selekshon di Kòrsou ku ta Gilvelton Josephina a dal e picher menshoná un line drive durísimo ku a bai para den rightfield kòrtiku. Gilvelton ku tin bon spit tambe a kore te segunda. Despues Gilvelton Josephina a konektá 2 doblete mas i un tripel. Gilverton a bati di 4-4 ku 3 doblete i un tripel ku batasonan pa left, center i right. Batiendo e bala ku outoridat riba tur parti di tereno.
* * * * *
Na momentu ku e picher estelar di selekshon di Colombia a risibí e line drive, por a mira klaramente ku e no por a picha mesun efektivo mas. Despues di 3 inning e manager di e ekipo di Colmbia a kambia e estelar Angel Torrez Fernandez. E primera base di e selekshon di Kòrsou Reagan Randt Kirindongo, a dal e promé homerun di e torneo. Un bataso feros pa centerfield na momentu ku e wega tabata pèrtá ainda ku skor di 2-1 pa Kòrsou. E homerun tabata kontra e picher velos Angel Torres Fernandez. Reagan Randt Kirindongo ta yu di e pelotero Randy Kirindongo di Wild Cats. Su mama ta Niciela Randt, hendenan hopi konosí pa nos.
* * * * *
Kòrsou Pabou a usa kuater picher pa logra e viktoria djaluna. Jar-diar Kopra, un tremendo picher slengu a bai ku e viktoria pa Pabou tirando 7 ponche. Pichernan Shakleyson Margarita, Quin Usla i Sherrintley da Costa Gomez a tira pa Kòrsou Pabou. Hopi interesante i importante ta kon e maneho riba e nivelnan aki di Little League ta usa nan pichernan durante serinan kòrtiku. Tene kuenta ku ora ‘double header’ kai adén, dianan di sosiegu ta keda konta normal. Mester hasi menshon tambe di e picher di Pariba Ayden Calmes ku tabatin un tremendo aktuashon tirando 3.2 inning di blankeo kontra e selekshon di Aruba. Den 3.2 inning Ayden Calmes a tira 10 ponche, ke mèn ta algun batiadó a hasi kontakto. Batiadónan Franjean Haseth, Raynor Martis, Lodymar Cathalina, Tayrino Boutisma, Guillon Sebastiana i Kyle Haseth a dal dos hit pa e selekshon di Liga Pariba.
