Resultadonan di Sòftbòl Femenino Fastpitch i Beisbòl Veterano
WILLEMSTAD - Pichingolo a gana den Dòbel A i den Klase A e siman aki den kampionato di Sòftbòl Femenino. Djaweps den Dòbel A Pichingolo a gana Fighting Team ku skor di 10-0 i djabièrnè Pichingolo a gana di Fenix 11-0..
Den e otro weganan Fenix a gana Souax 7-0 den Dòbel A i Rising Trotters gana Santa Rosa Angels 7 pa 6.
Resultado di kampionato MCB CSB 21 sèptèmber 2023
Pichingolo AA, 10 kareda 6 hit 0 eror, picher ganadó : Melanny Castro-Arias Mihó bate : Moësha De Paula 1-1 i Abigahil Bentura 3-3 , 1 homerun
The Fighting Team AA, 0 kareda 2 hit 3 eror Picher pèrdèdó : Sirlys Escobar Ortiz Mihó bate : Ruth-shainny Calmera i Solange Soliana 2-1
Fenix AA, 7 kareda 8 hit 1 eror Picher ganadó : Danela Gonzalez Fanjul Mihó bate : Joanna Benita 2-2
Souax AA, 0 kareda hit 5 eror. Picher pèrdèdó : Sophia Guerra Leiva Mihó bate : Rianthe Winklaar 2-1
Rising Trotters A: 7 kareda 4 hit 3 eror picher ganadó : Jaqueline Sophia Mihó bate : Gillian Corporal Pozo 2-2 i Gisaida Mercelina 1-1
Sta Rosa Angels A: 6 kareda 11 hit 1 eror Picher pèrdèdó : Magenta Bernadina Mihó bate : Tisaira Ustatia Francisca 4-3
Quality Stars ta gana Santa Maria den Beisbòl Veterano
WILLEMSTAD- Quality Stars a gana Santa Maria ku skor di 7-5 i keda invikto den Beisbòl Veterano. Quality Stars a nota 5 kareda den e promé dos inningnan pa sigurá e viktoria. Santa Maria a yega hopi serka den e último turnonan na bate, pero a keda kòrtiku komo ekipo di kas lagando base yen. Quality Stars su rèkòrt a bira 16-0, miéntras Santa Maria a kai na di tres lugá 12-4 tras di ekipo Isla Crackers ku a bai di dos lugá. Den e otro weganan Otrabanda a dal Marlins 8-3, Vosama a gana Jandoret 3-2. Djadumingu Santa Rosa a bati The Brothers 24-3, Yesterday a nòkout Marchena 12-0 i Isla a blackout Azucar 17-0. Otrabanda a pèrdè pa defolt djadumingu kontra Jandoret den Liga 50.
RESULTADONAN
Djasabra 16 di sèptèmber
Veteranos Otrabanda 8, Marlins 3
Otrabanda tabatin 11 hit ku 2 eror. Edison Clemencia a gana i Lionel Cicilia a bai di 1-1, Lindsie Maccow di 2-1. Ramses Kirindongo ku Gilbert Bernadina a bai di 2-2 i Alcides Juliana di 3-3. Marlins a dal 9 hit ku 2 eror. Shanon Kleinmoedig a pèrdè. Aldrin Viser, Fardy Lard i Rivelino Moesker, tur a bai di 1-1. Shanon Kleinmoedig a bai di 2-2 i Miguel Velasquez Agramonte di 3-2.
%20copy.jpg)
Vosama 3, Jandoret Raiders 2
Vosama a dal 8 hit i kometé 2 eror. Xaviero Avastia tabata ganadó i Cedrix Valies a bai di 1-1. Jose Martines a bai di 2-1, Jesus Gonzalez di 2-2. Rochendel Davelaar ku Carlmichael Suarez a bai di 3-2. Jandoret tabatin 3 hit ku 4 eror. Deron Clara a resultá pèrdèdó. Raylan Capella a bai di 2-1. Rayshel Francisca i Jersinio Fluonia a bai di 3-1.
Quality Stars 7, Sta Maria 5
Quality Stars tabatin 5 hit ku 3 eror. Dayron Puriel a gana i Leroy Antonia a bai di 1-1. Dayron Puriel ku Ramiro Balentina a bai di 3-2. Sta Maria a dal 5 hit i hasi 3 eror. Roderick Zimmerman a pèrdè. Irvin Sambo a bai di 2-1 i Eldred Estanista di 2-2.
Djadumingu 17 di sèptèmber
Sta Rosa Memories 24, The Brothers 3
Sta Rosa a dal 21 hit i kometé 2 eror. Ramses Jamanika tabata picher ganadó. Djuric Pietersz ku Geronimo Daflaar a bai di 1-1. Shendy Cras, Raymy Cicilia, Farley Girigori i Ian Leito, tur a bai di 2-1. Randy Lo-A-Tjong, Curby Brunken ku Verney Jansen, tur di 3-2. Reginald Pietersz, Egbert Polonius i Jair Quant, tur 3 a bai di 3-3. Farley Girigori ku Verney Jansen a konektá 1 homerun. The Brothers tabatin 2 hit i nan a hunga sin eror. Wendell v/h Kruys a resultá pèrdèdó. Richel Angela ku Signald Burnet a bati di 2-1.
Yesterday 12, Marchena Stars 0
Yesterday tabatin 6 hit i nan a hunga sin eror. Carl Jurrjens a gana. Sherwin Schoop ku Carl Jurrjens a bai di 1-1. Zhurendel Ilaria, Andley Simmons ku Andres Gonzalez, tur di 2-1. Pa Marchena Stars 2 hit ku 5 eror. Nelson Rodriguez Rodriguez a pèrdè. Jurien Martina ku Vernon Pieternella a bai di 2-1.
Isla Crackers 17, Azucar 0
Isla a dal 7 hit i kometé 1 eror. Rainier Martis a gana, Luigi Yanez di 2-1, Dave Janga di 2-2 i Julius Veeris a bai di 3-2. Pa Azucar 1 hit ku 8 eror. Dennis Testing a pèrdè i e mes a bai di 1-1.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i felis fin di siman. Fin di siman ku algun wega kayente den Beisbòl Veterano. Weganan manera entre otro The Brothers – Azucar, Yesterday vs Isla Crackers i Quality Stars kontra di Jandoret Raiders. E aña aki atrobe 6 ekipo lo klasifiká den Beisbòl Veterano. Ekipo number 5 lo topa ku number 6 i e ganadó lo topa ku number 4 pa despues sigi ku e play-off tradishonal entre 1 vs 4 i 2 vs 3. Ekiponan Quality Stars, Isla Crackers, Santa Maria Pirates i Santa Rosa ya a klasifiká den e promé 4-nan. E lucha lo bai bira formal pa puestonan 5 i 6.
* * * * *
Standing di Beisbòl Veterano promé ku e weganan di wikènt benidero ta Quality Stars 16-0, Isla Crackers 14-2, Santa Maria Pirates 12-4, Santa Rosa Memories 12-4 Jandoret Raiders 9-7, The Brothers 7-9, Yesterday 7-9, Vosama 6-10, Azucar 4-11, Otrabanda 4-12 i Marchena 0-15. Jandoret, The Brothers, Yesterday i Vosama ta luchando pa klasifiká number 5 i 6 den Beisbòl Veterano 40+. Nos tin awe e lidernan pa loke ta trata bateo i picheo den Beisbòl Veterano.
* * * * *
Den bateo ta Julius Veeris (Isla) .571, Merieldo Trinidad (Quality) .515, Rayshal Francisca (Jandoret) .514, Eldred Estanista (Santa Maria) .500, Myron Wijman (Jandoret) .486. RBI Curby Brunken (Santa Rosa) 18, Eldred Estanista (Santa Maria) 15, Myron Wijman (Jandoret) 14, Raydell Isabella (Quality Stars (14) David Kirindongo (Santa Maria) 14. Den picheo pa loke ta trata ERA, lider ta Orsendo Clemencia (Isla) 0.79, Rainier Martis (Isla Crackers) 1.87, Felix Edword (Quality) 2.21, Ramses Jamanika (Santa Rosa) 2.39, Verney Jansen (Isla) 2.45.
* * * * *
Den ponche tirá Xaviero Avastia (Vosama) ta lider ku 36, sigi pa Shanon Kleinmoedig (Marlins) 34, Raylan Capella (Jandoret) 34, Edison Clemencia (Otrabanda) 32 i Pernell Sprott (Yesterday) 29. Ultimo fecha di e buelta regular ta djadimungu 29 di òktober pa start ku play-off djasabra 4 di novèmber ku play-off entre ekiponan 5/6 i despues 4/5. Play-off semi-final ta start djasabra 11 di novèmber, dos wega pa wikènt. Despues lo sigi ku play-off final 18 di novèmber. Chèns tei ku por kaba den luna di desèmber si e serienan splet òf pa un otro motibu, entre otro awaseru.
* * * * *
Skema di e wiként aki den Beisbòl Veterano na Vi Jansen Ballpark ta djasabra 23 di sèptèmber pa 10.30 Otrabanda - Santa Rosa, 13.00 The Brothers – Azucar, 15.30 Yesterday – Isla Crackers. Djadumingu 24 di sèptèmber 10.30 Santa Maria – Marlins, 13.00 Quality Stars – Jandoret Raiders, 15.30 Marchena – Vosama. Pa loke ta Liga 50 djasabra van Engelen Ballpark, 10.00 Lions – Marlins, 12.00 Flamboyan - Pitufos, Artemisia – Sluggers. 4’or no tin wega programá debí ku ta yegando na final di e kampionato regular. Otro siman tin dos wega programá. Ekipo Ban Serio tin barwacht djasabra awor i ekiponan Catpower, Jaws i Baranka ta liber.
* * * * *
Liga 60 ta sigi djadumingu ku 3 wega na Frank Curiel Ballpark. E standing ku nos a pone saká for di game changer no ta esun korekto. E standing korekto ta poné den bar na Frank Curiel Ballpark. E ta lo siguiente: Nos Tambe Por 8-1, Pitufos 5-3, Jaws 5-4, Nos Power 4-3, Lions 4-4, Los Amigos 4-4, Sluggers 2-5, Curacao Super Stars 0-8. Djarason nos tabatin e lidernan individual di picheo i bateo. Weganan pa djadumingu aki den Liga 60 ta 11.00 Lions – Curacao Super Stars, 13.00 Sluggers – Nos Tambe Por, 15.00 Los Amigos – Jaws. Pitufos tin barwacht i Nos Power ta liber.
* * * * *
Kampionato di Sòftbòl Femenino Dòbel A a sigi ayera na Sam Bunting Ballpark ku dos wega. Pichingolo ku a pèrdè invikto djasabra último mester a hunga kontra Fighting Team. Standing promé ku weganan di djaweps tabata Pichingolo 9-1, Fenix 7-2, Santa Rosa 3-6, The Fighting Team 3-7 i Souax 2-8. Jandely Ricardo di Santa Rosa ta lider den bateo i Arnalda Margarita di Pichingolo lider den picheo. Den klase A e standing ta Pichingolo 10-0, Liberty 6-4, Souax 5-5, Rising Trotters 3-6, Fenix 3-7 i Santa Rosa Angels 2-8. Lider den bateo ta Jeanile Groman i Taynice Prince ta number un den picheo ku rekòrt di 5-0. Nos ta keda te aki pa awe ku Poder di Dios.
