Resumen Little League Kòrsou ku 3 kampion Regional
YABUCOA – Den 2023 Kòrsou a logra kue 3 kampionato regional den Little League. Den Little na Puerto Rico, Junior i Senior na Kòrsou. Ata e resumen kòrtiku di e kampionatonan.
LITTLE
Kòrsou a gana República Dominicana ku skor di 6-0 i bira kampion di Karibe di Beisbòl Little League na Yabucoa.
Selekshon Little kampion Karibe na Puerto Rico i supkampion di Mundu na Williamsport
JUNIOR Kòrsou Pabou ta gana di Pariba ku skor di 12 pa 2 den final djasabra 22 di yüli den Tio Daou Ballpark. Pabou a nòkout Venezuela den semi-final pa despues nòkout Pariba den final kontra tur pronóstiko. Pabou a start no bon pèrdiendo e promé wega ku skor di 11 pa 5 kontra di Panama.
SENIOR Selekshon di Kòrsou Pabou a gana Pariba ku skor di 7 pa 5 pa bira kampion di Karibe di Beisbòl Senior League. Un públiko grandísimo tabata presente den Tio Daou Ballpark pa mira e gran final. Ku e wega empatá den di 7 inning 5-5, Pabou ta nota dos kareda pa despues wanta e ventaha aki te den bòm di 7 inning pa gana e wega i bira kampion. Supkampion Kòrsou Pariba i Puerto Rico na di 3 lugá. Boneiru a risibí e premio komo ekipo mas disipliná. Despues selekshon Senior Pabou a bira kampion di Mundu.
Resumen Slowpitch Femenino Sin Stres ta swip Shining Stars i bira kampion Liga di Nos Tur 2023
WILLEMSTAD- Sin Stres ku bon picheo di Marie Windster ta swip Shining Stars i bira kampion Liga di Nos Tur ganando di Shining Stars. Marie Windster na ken e kampionato ta dediká a gana tur dos wega i bira MVP di e seri final. Sin Stres a gana e promé wega ku skor di 14-4 i e di dos 6-4. E weganan final a tuma lugá den Frank Curiel Ballpark. Ta di dos biaha ku ekipo Sin Stres ta bira kampion di Liga di Nos Tur. Na 2018 den e promé kampionato di Liga di Nos Tur, Sin Stres a bira kampion.
Sin Stres kampion Liga di Nos Tur 2018 ta tuma trofeo kampion.
MAS INFORMASHON DI SÒFTBÒL I BEISBÒL
Lesadónan di Deporte Kòrsou, bon dia i felis siman. Kon a bai ku dianan despues di Pasku. Nos ta sigi normal awe ku nos resumen di lokenan a pasa den 2023 riba tereno di Sòftbòl i Beisbòl. Den e artíkulonan nos tin e kampionnan, miéntras den e kolumna nos ta bai bèk riba notisianan importante di 2023. Beisbòl Dòbel despues di a start su kampionato a sigi den gran forma na Tio Daou Ballpark. Santa Rosa Indians tabata mustra sólido i tabatin tur indikashon ku nan lo bai play-off atrobe huntu ku Santa Maria, Wild Cats i Royal Scropions. Esei a sosodé tambe. Na final di buelta regular, Santa Rosa a terminá number 1, Wild Cats number 2, Royal Scorpions number 3 i Santa Maria number 4. Royal Scorpions sorprendentemente a swip Wild Cats pa bai final i Santa Rosa a saka Santa Maria afó den 4 wega pa loke ta e semi-final mihó di 5. Finalmente Royal Scorpions a bira kampion despues di 11 aña.
Liga Di Nos Tur a start djabièrnè 16 di yüni na Frank Curiel Ballpark. Ekipo super kampion Un Kara tabata faborito grandi atrobe pa bai ku e título, pero Sin Stres a para e racha di bira kampion pa loke ta trata Liga di Nos Tur. Den 60+.Ekipo Los Amigos a bolbe bira kampion di torneo i tabata e di dos torneo sigí ku ekipo Los Amigos ta bira kampion. Los Amigos tabata gran faborito pa bai final den Liga 60+ pa loke ta e kampionato ofishal despues di algun aña di ousensia den final. Pero kosnan a resultá otro i Los Amigos no a logra klasifiká den e promé 4-nan di Liga 60. Ekipo Jaws a bira kampion ganando di Pitufos dos wega stret den final. En todo kaso Los Amigos a bira kampion di Torneo Lions, pero kampionato kosnan no a bai masha bon i na final di aña a disidí di mara algun hungadó 60+ pa temporada 2024.
Ban pa Little League un ratu. Play-off Little League a tuma lugá den luna di aprel/mei di 2023. Pabou a gana den Minor, Little, Junior i Senior. Pariba a gana den Intermediate. Asina nos por mira ku mas o ménos 4 pa 5 aña un liga ta dominá i esei ta normal. Pa sigi ku e resumen, despues di play-off nos a bira kampion den 3 divishon i representá Kòrsou/Karibe/Latino America den kampionatonan Mundial na USA. Fin di yüni a start den gran forma ku weganan di kampionato di Karibe di Senior League. E apertura i weganan di e kampionato di Karibe di Senior pa hóbennan di 15 i 16 aña a tuma lugá den Tio Daou Ballpark. E kampionato tabata di 25 di yüni pa 2 di yüli. Stadion tabata yen prátikamente tur dia na momentu ku ekiponan di Kòrsou tabata den akshon. Pabou a bira kampion ganando Pariba 7-5 den e gran final dia 1 di yüli ku Tio Daou Ballpark kompletamente yen. Selekshon Pabou di Kòrsou Senior a bira kampion di Mundu ganando New Yersey 15-1 den final. Tabata di 3 biaha ku selekshon di Senior di Kòrsou ta bira kampion di Mundu (aña 2002, 2018 i 2023). Keven Rosina a tira tremendísimo i tabata e heroe di e selekshon Senior di Pabou.
%20copy.jpg)
Medio yüli Kòrsou a gana República Dominicana ku skor di 6-0 i bira kampion di Karibe di Beisbòl Little League. Tabata di dos biaha sigí ku selekshon di Liga Pabou Little League ta bira kampion di Karibe despues di temporada di Covid. Na 2019 tambe Kòrsou tabata kampion di Little League di Kariba. Jaydlin Wiel tabata tremendísimo na bate tambe i den picheo pa bira MVP. E kampionato a tuma lugá na Yabucoa (Puerto Rico). Kòrsou tabata tei atrobe na Williamsport di mei mei di ougùstùs pa fin di ougùstùs i a logra bira kampion internashonal. Nos a keda den tereno den e gran final Mundial. Selekshon Junior Liga Pabou pabien ku e título di kampion Latino Americano di Beisbòl. Pabou a gana di Pariba ku skor di 12 pa 2 den final djasabra den Tio Daou Ballpark. Hopi a verwagt un wega mas pèrtá, pero ya Pabou a bini ta krese formal for di semi-final ku un viktoria pa nòkout riba e fuerte ekipo di Venezuela. Un selekshon ku tabata bayendo slow, a kambia formal i bira kampion. Na Mundial na Taylor USA na a yega te semi-final. Selekshon Minor Pabou a kai den semi-final na Mayaguez. Awe nos tabatin hopi di Little League tambe den resumen.
