Rising Phoenix ta gana The Fighters 10 pa 4 den semi-final The Diamond Stars League
WILLEMSTAD- Rising Phoenix a gana The Fighters ku skor di 10 pa 4 den semi-fnal di The Diamond Stars League djabièrnè 26 di mei den Sam Bunting Ballpark. Wega number 2 di e serie ta sigi djasabra 27 di mei. Ta trata di un seri mihó di 3 i ganadó di e seri lo bai final pa topa ku Nos Goso den final nos tin resultado di e último weganan.
Nos Goso ta pasa pa final di The Diamonds Stars League
WILLEMSTAD- Nos Goso ku un viktoria di 6-3 riba Rising Phoenix a pasa pa final di The Diamond Stars League djasabra último na Sam Bunting Ballpark. Den e otro wega e ekipo The Fighters a gana Treasure ku skor di 13-11 i The Fighters a pasa pa e sigiente buelta di play-off. Ekipo Treasure a keda eliminá. Semi-final entre The Fighters i Rising Phoenix lo ta djabièrnè i djasabra na Sam Bunting Ballpark.
Nos Goso 6, Rising Phoenix 3
Nos Goso a dal 10 hit i hasi 2 eror. Carlintje Cleopa tabata e picher ganadó. Nathaly Lourens a bati di 3-3. Fayna de Mei i Emily Jonis a bati di 3-2. Rising Phoenix a konektá 7 hit i a kometé 2 eror. Marie Windster tabata e picher pèrdèdó. Josmaye Chirino i Ashantely Giterson a bati di 2-2.
The Fighters 13, Treasure 11
The Fighters a dal 14 hit. Angeledwina Sambo tabata e picher ganadó. Lisette Hooi i Celeste Francisa a bati di 3-2. Treasure a konektá 14 hit. Minerva Maduro tabata e picher pèrdèdó. Chaunice Maduro a bati di 3-3.
Torneo ABC&S 50+ na Boneiru eksitoso
WILLEMSTAD- E torneo Kopa ABC&S ku a termina djadumingu último na Boneiru a resulta un eksito rotundo. E organisadonan ekipo Dragons a gradisi ekiponan ku a partisipa i manda e resultadonan final. E torneo tabata dediká na E torneo tabata dediká na Marcolino Alberto, Felipe Winklaar i Antolino Statie. Pa loke ta trata Sekshon Femenino, Rincon Diamonds a bira kampion i Sup kampion tabata Dynamite. Den 60+, Tigers di Sint Maarten a bira kampion. Den 50+ ekipo Ban Serio a bira kampion. Ekipo mas disiplina a bira Tigers Vets di Sint Maarten.
INFORMASHON DI SÒFTBÒL I BEISBÒL
Fanátikonan di Extra Inning, bon dia. Nos tei pendiente di hopi moveshon den Sòftbòl Slowpitch i Beisbòl Veterano ku lo bai start. Pabien na Swift ku a logra nan di 5 título sigí di Kopa ABC&S. Un ABC&S tremendo organisá ku tabatin bon fanátiko tur dia pa bai kulminá riba e fecha final ku un Van Engelen Ballpark kargá kargá ku fanátiko. No tabatin kaminda di pone hende ni òwto. Swift a enfrentá Cicoza ku tabata kampion na 2015 i promé ku esei Swift tabata kampion di 2012, 2013 i 2014. Na 2005 Swift a bira kampion pa promé biaha den Kopa ABC, pa despues kuminsá dominá. Swift despues di 2005 no a logra bira kampion na solamente 4 okashon.
* * * * *
Nos a risibí relato tambe di e Kopa ABC&S di 50+ ku a tuma lugá na Boneiru. Durante e torneo tabatin kompetensia di 60+ i Sòftbòl Femenino tambe. Direktiva di Asosashon Dragons 50+ ta yama un biaha mas danki di kurason na tur ekipo i tambe e spònsernan ku a hinka nan konfiansa den e asosashon pa asina e torneo di ABC&S por tabata un éksito rotundo. Tambe nos ta sumamente kontentu ku e reakshon di e afishonádonan deportivo ku a bai di akuerdo pa nos por a para ketu na e personanan na ken nos a dediká e torneo aki. E torneo tabata dediká na Marcolino Alberto, Felipe Winklaar i Antolino Statie. Nos tin un resumen kon a bai ku e weganan i entrega di premio.
* * * * *
Pa loke ta trata Sekshon Femenino, Rincon Diamonds a bira kampion i Tanusi Delando a sali MVP. Sup kampion tabata Dynamite. Pa loke ta 60+, Tigers di Sint Maarten a bira kampion. E hungadó Gene Procter tabata MVP. Den 50+ ekipo Ban Serio a bira kampion i Reinaldo Casimiri tabata MVP di e wega final bayendo di 2-2 ku un homerun i 5 RBI. Marlins a bira supkampion den 50+ i Astor a terminá number 3. Lionel Li tabata kampion picher ku 0 kareda kontra, Irving ‘Skippy’ Sambo a gana e premio di lider di homerun ku 2 homerun i 3 RBI. Mervin Beauperthuy tabata kampion bate bayendo 4-5 ku 3 RBI. Ekipo Mas Disipliná a bira Tigers Vets di Sint Maarten.
* * * * *
Resultadonan: Dynamite 5, Rincon Diamonds 4; Tigers Vet 9, Dragons 3; Ban Serio 10, The Brothers 9; Tigers Vets 6, Bonaire Stars 2; Rincon Diamonds 11, Yellow Birds 1; Marlins 7, Tigers Vets 6; Ban Serio 6, Astros 2; Tigers 5, Bonaire Stars 3; Dynamite 22, Yellow Birds 0; Marlins 15, Dragons 0; Ban Serio 7, Astros 4. Semi-final 50+: Ban Serio 15, Astros 5; Marlins 15, Astros 5. Final 50: Ban Serio 9, Malrins 5. Final 60+: Tigers 6, Bonaire Stars 3. Final Femenino: Rincon Diamonds 8, Dynamite 3. Ekiponan di Kòrsou ta papia so kon dushi nan a pasa serka nos amigu i amiganan di Boneiru.
* * * * *
Kampionato di Beisbòl Veterano ta start djasabra na Vi Jansen Ballpark. Pa 3’or tin apertura ofishal i weganan ta kuminsá for di 10.30 di mainta. Pa djabièrnè nos lo tin e skèdjel kompletu. Liga 50 ta start den buelta number 2 manera tabata e kaso den kampionato 2022. Parse ku ekipo Vosama a hala atras i a sobra 4 ekipo. Jandoret Raiders, Yesterday, Sigi Hunga i Otrabanda. Tin varios kambio interesante pa loke ta trata Beisbòl Veterano den 2023. Renato Anasagasti a sali di Jandoret i bai Yesterday. Sor Moesquit a move di Jandoret Raiders pa Otrabanda. Ramiro Balentina ta riba lista di Santa Maria i di Quality Stars. Varios hungadó nobo ku a kaba di kumpli 40 aña.
* * * * *
Liga 50 ta sigi djasabra awor 2’or ku kandela entre Marlins i Baranka. Ekipo Baranka ta úniko ekipo invikto. E otro weganan ta 10.00 Pitufos – Ban Serio; 12.00 Artemisia- Tigers; 14.00 Baranka – Marlins i 16.00 Sluggers vs Catpower. Lions tin barwacht i Jaws ta liber. Rumornan fuerte ku ekipo Artemisia lo tin un bòm pa 2024. Nan lo bai tira liña duru den 1 tim grandi. Nan tin un picher, un infielder i un outfielder na liña. Nos ta keda te aki pa awe.
