Santa Maria i Quality Stars a gana den promé wega di play-off i apertura Liga 50
WILLEMSTAD- Santa Maria Pirates i Quality Stars a pika dilanti den playoff semifinal di Beisbòl Veterano 40+. E weganan atuma lugá djasabra 10 di mei 2025, weganan balido pa playoff kampionato 2024 kuta sigi awor den 2025. Santa Maria Pirates a gana Isla Crackers 7 pa 4 i despues Quality Stars a dal Yesterday 9 pa 1. Awe, djadumingu 11 di mei 2025 weganan ta sigi pa 11’or am ekipo Quality Stars lo topa Yesterday i despues pa 2’or pm Santa Maria lo topa Isa Crackers.
LIGA 50
Djasabra, 10 di mei tabatin apertura ofishal di kampionato di Sòftbòl Liga 50 na Van Engelen Ballpark. Presidente di Liga 50 sr. Gilbert Keller a dirigí palabra i tambe e fundadó di Liga 50 ku ta sr. RudyBrunken. E kampionato ta dediká na tur e eks presidentenan. Liga 50 ta selebra25 aña di eksistensia de temporada aki.
MAS INFORMASHON DI SÒFTBÒL I BEISBÒL
Felis dia. Wikènt di 3 i 4 di mei tabatin Kopa ABC 40+ na Aruba ku partisipashon di ekiponan di Aruba, Boneiru i Kòrsou.Ekiponan Cicoza i Legends a partisipá. The Greatest a bai ku hungadónan manera RamiroBalentina, Luigino Domacasse, Wilfred Reinita, Jermaine Esprit i Randy Kirindongo. The Greatest (Baranka) a bira kampion i nos tabatin detaye. Wega entre Real Madrid i Barcelona ta 4-2 pa Barcelona despues di 50 minut.
* * * * *
Poko poko pero sigur liganan ta bai kuminsá. Liga 50 a start i Liga 60 lo start dia 18 di mei na Frank Curiel Ballpark. Nada ainda di Liga Amstel ku tahungando e último añanan aki na Van Engelen Ballpark. Hopi komentario ketu bai di e tremendo torneoku Hope ku FDKK a organisá. E torneo tabata hopi soshal ku masha hopi fanátiko tabata bai Van Engelen Ballpark e tres siman finalnan di e torneo. Interesantetambe e evento djasabra siman pasá kaminda RBC a entregá bala na organisashonnandi T-Ball i Little League (Fairplay) ku ta kai bou di Rendel Meulens. Nos tabatin un komunikado ekstenso. RBC Royal Bank ta keda invertí den Kòrsou i eotro islanan sigur ora ta trata di Beisbòl di mucha. Nos ta keda te aki pa awe i te mayan ku Poder di Dios.
