Santa Maria ta gana Wild Cats 14-11 i fòrsa wega desisivo
WILLEMSTAD - Santa Maria a bai dilanti bon den e wega kontra e picher Jair Jurrjens pa finalmente keda dilanti i gana Wild Cats 14-11. Ku e viktoria aki e seri entre Santa Maria i Wild Cats ta empatá na dos. Wega finalísimo di e seri lo ta djabièrnè 25 di sèptèmber den Stadion Johnny Vrutaal. Santa Maria a sali duru riba Wild Cats notando 3 kareda den promé inning, 2 kareda den di 3 inning i 3 den di inning pa bai ariba 8 pa 1. Despues dilanti 14 pa 2 den di 7 inning, na rant di nòkout Wild Cats ta nota 7 kareda pa hasi e wega 14-9. En todo kaso finalmente e wega a terminá ku skor di 14-11. Un wega ku 31 hit, 18 pa Santa Maria i 13 pa Wild Cats. Ekipo Wild Cats a kometé 6 eror, pero ta solamente 2 di e 14 karedanan di Santa Maria tabata shushi. Santa Maria a usa 5 picher i Wild Cats 7 picher. Yurendell De Caster i Randy Kirindongo a bati homerun pa Wild Cats.
Awenochi tin wega finalísimo entre Santa Rosa i Royal Scorpions pa 7’or na Tio Daou Ballpark.
NUMERITONAN
Santa Maria a nota 14 kareda, dal 18 hit i hasi 1 eror. Nelmerson Angela a gana. Darren Seferina a bati di 5-4, Sherman Lacrus di 6-3, Urlich Snijders di 5-3. Pichernan ku a tira pa Santa Maria tabata Nelmerson Angela (6.0 inning), Arjun Huerta (0.0), Shurensley Daantji (0.2 inning), Lousandry Henriette (1.2 inning), Alexander Rodriguez (0.2 inning)
Wild Cats a skor na 11 okashon, dal 13 hit i kometé 6 eror. Jair Jurrjens tabata e picher pèrdèdó. Yurendell de Caster di 5-3, Terrence Josephina i Hendrik Clementina di 3-2. Yurendell de Caster i Randy Kirindongo a dal un homerun. Pichernan ku a lansa pa Wild Cats tabata Jair Jurrjens (5.0 inning), Klevert Martina (1.0 inning), Geedion Jakob (0.0 inning), Cleavon Lasten (0.2 inning), Bryan Biegel (0.1 inning), Joharvy Martinus (0.0 inning), Ruwensley Bonifacio (2.0 inning)
