Santa Maria ta gana Wild Cats 5 pa 3 den play-off Dòbel A
WILLEMSAD- Santa Maria Pirates a kita e promé wega di e seri 2 vs 3 ku skor di 5-3 kontra di Wild Cats djaweps anochi den Tio Daou Ballpark. Nelmerson Angela a tira 5.2 inning pa Santa Maria komo picher habridó i bira e ganadó. 3 picher mas a tira pa Santa Maria pa sigurá e viktoria. Jair Jurrjens a picha 8 inning, wega kompletu pa Wild Cats pa resultá e picher pèrdèdó. Ela tira 8 inning tuma 6 hit i 5 kareda limpi, pichando 134 bala. Johannes Gregorius jr di Santa Maria Pirates a konektá un homerun klave den promé inning kontra Jair Jurrjens. E homerun tabata di 3 kareda. Alexander Rodriguez tambe a dal un homerun.pa Santa Maria. Awe djabièrnè, 18 di sèptember, playoff di beisbòl AA ta sigi den Stadion Johnny Vrutaal ku e di dos partido entre Royal Scorpions i Sta. Rosa Indians. Scorpions ta dilanti 1-0.
NUMERITONAN
Santa Maria Pirates a skor 5 kareda riba 6 hit i nan a kometé 2 eror. Nelmerson Angela tabata e picher ganadó. Pichernan Ruendy Carolina (1.1 inning), Shurensley Daantji (1.1 inning), Alexander Rodriguez (0.1 inning) a tira pa Santa Maria. Alexander Rodriguez a bati di 4-2. Johnny Gregorius i Alexander Rodriguez a dal un homerun.
Wild Cats a nota 3 kareda, dal 8 hit i hasi 1 eror. Jair Jurrjens tabata e picher perdedó. Randolph Kirindongo a bati di 3-2.
Awe nochi Playoff di beisbòl AA ta sigui den Stadion Johnny Vrutaal ku e di dos partido entre Royal Scorpions i Sta. Rosa Indians. Scorpions ta dilanti 1-0.
