Santa Rosa Indians ta dal Wild Cats 4-1 den play-off final di Beisbòl Dòbel A
WILLEMSTAD- Santa Rosa ku bon picheo kombiná di Siamani Boekhoudt i Marvin Ludowika, ta dal Wild Cats ku skor di 4-1 den e play-off final di Beisbòl Dòbel A. Riordan Windster tabata bon na bate bayendo di 4-2 i 2 RBI. E dos karedanan empuhá di Riordan Windster tabata den kabes di e di 9 inning ku a pone e wega 4-1 i hasi e trabou mas fásil pa e relevista Marvin Ludowika den bòm di e di 9 inning. Santa Rosa a nota 1 kareda den promé inning, 1 den di 8 inning i 2 kareda den di 9 inning.
![](https://uploads-ssl.webflow.com/5d34a02fd1cb7f04ec361a56/5f403213a7c1df0a12f3ee95_siamani%20otro%20potret.jpg)
Wild Cats a empatá e wega den di 4 inning riba hit di Randy Kirindongo. Siamani Boekhoudt ku tabata tremendo riba montíkulo pa Santa Rosa a tira 7 inning (101 lansamentu) permití 5 hit, 1 kareda, ku 4 ponche i 3 base por bola. Marvin Ludowika a tira 2 inning, tuma 1 hit i poncha dos batiadó. Jair Jurrjens ku a habri pa Wild Cats a tira 8 inning, (111 lansamentu) tuma 3 hit i 2 kareda limpi, tira 6 ponche i 3 base por bola. Ruwensly Bonifacio a tira 1 tersio di inning i Klevert Martina a tira e último 2 tersionan pa Wild Cats. E seri final ta sigi djasabra 6’or na Stadion Johnny Vrutaal ku wega number 2 di e seri mihó di 7.
![](https://uploads-ssl.webflow.com/5d34a02fd1cb7f04ec361a56/5f415ef437dae23b49cdc2e7_jair%206.jpg)
NUMERITONAN
Santa Rosa a skor na 4 okashon , dal 5 hit i hunga sin eror. Siamani Boekhoudt a gana. Ildion Martina i Riordan Windster a bati di 4-2.
Wild Cats anotá un kareda, bati 6 hit i hunga sin eror. Jair Jurrjens a resultá e picher pèrdèdó. Rojean Cleofa a bati di 2-2.
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
![](https://uploads-ssl.webflow.com/5d34a02fd1cb7f04ec361a56/5f2039ce113db554e5c07af4_montana%20auto%20parts%20web%20pa%20aviso.jpg)
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)