Santa Rosa Indians ta sorprendé Royal Scorpions ganando 6-2 den playoff semi-final

WILLEMSTAD- Santa Rosa Indians a usa 4 picher pa gana e ekipo di Royal Scorpions ku skor di 6-2, djabièrnè anochi den Stadion Johnny Vrutaal. Ku e viktoria aki e seri entre Santa Rosa Indians i Royal Scorpions ta empatá na unu. Royal Scorpions a gana e promé wega ku skor di 13-1. Santa Rosa a nota 1 kareda den di 4 inning, 3 den di 5 inning i 2 den di 6 inning pa yega na 6 kareda, mientras Santa Rosa a nota 1 den promé inning i 1 den di 8 inning. Santa Rosa a habri ku e slengu Marc Hennep ku a varia su lansamentunan i yega 4.2 inning. E relevista Jerrison Beaumont ku a tira solamente 0.2 inning a bira e picher ganadó. Marvin Ludowika a tira 1.2 inning i Hershelon Juliana 2.1 inning. Shurandy Valeriano a habri e wega pa Royal Scorpions i resultá e picher pèrdèdó. Ela tira 5 inning kompletu. Otro pichernan di Royal Scorpions di djabièrnè tabata, Orsen Josephina (2.0 inning), Geriyon Jakob (0.1 inning) i Cerilio Soleana (0.2 inning).
Play-off di Beisbòl Dòbel A ta sigi awe 19 di sèptèmber 7’or pm ku wega number di e seri Santa Maria Pirates vs Wild Cats.

E picher slengu Marc Hennep ku 4 inning ku un tersio bon picha pa Santa Rosa gana.
Jerryson Beuamont a saka dos out so, pero pa medio di ponche i a bira e picher ganadó

NUMERITONAN
Santa Rosa Indians a nota 6 kareda, bati 11 hit i kometé 4 eror. Jerrison Beaumont a gana. Christopher Pietersz, Rochendrick Alexander i Aldair Daal a bati di 4-2.
Royal Scorpions a skor 2 kareda, bati 6 hit i kometé 1 eror. Shruandy Baleriano tabata e picher pèrdèdó i Raywendley van Gurp a bati di 5-3.



Royal Scorpions     1  2  0  0  0  0  0  1  0                 2  6  1
Santa Rosa             0  0  0  1  3  0  0  2  x                  6  1  4

‍