WILLEMSTAD – Ekipo di Beisbòl Veterano Santa Rosa Memories a sera aña serka nan spònser Gai Lihe, djadumingu 20 di desèmber 2020 na Seroe Fortunaweg. Momon Martina huntu ku su ruman Richenel a entregá Gai Lihe un plakat komo muestra di e lokenan Gai Lihe a hasi pa e ekipo durante 2020. Gai Lihe Barbolina, sumamente emoshoná ku e gesto a gradisí i a entregá un regalo di un pasashi pa Cuba pa e hungadó Curby Brunken. Pa spònser Gai Lihe, Curby Brunken tabata e hungadó Mas Destaká den Santa Rosa Memories den 2020.

Santa Rosa Memories ku plaka di rekonosimentu pa spònser Gai Lihe Barbolina. Riba e plakat tin e ekipo Santa Rosa Memories kompletu i mas abou Gai Lihe riba trabou na su negoshi. Di robes pa drechi Momon Martina, Gai Lihe i Richenel Martina.

‍