Beisbòl Veterano - Santa Rosa Memories ta gana dos wega di wild card i klasifiká pa semi-final di Beisbòl Veterano

Beisbòl Veterano den wikènt

Santa Rosa Memories ta gana dos wega di wild card i klasifiká pa semi-final

WILLEMSTAD – Santa Rosa Memories a gana dos wega di wild card den wikènt i klasifiká pa semi-final. Santa Rosa Memories a gana Quality Stars 12 pa 2 djasabra i djadumingu Santa Rosa a derotá Bulldogs 4 pa 3. Santa Rosa a terminá finalmente number 4 i lo bai topa ekipo Isla Crackers ku a terminá number 1. Den e otro semi-final ekipo Santa Maria ku a terminá number 2 lo enfrentá Jandoret Raiders number 3.

Cedric Antonia ku tremendo labor komo picher djasabra pa Santa Rosa gana Quality 12-2.Cedric Antonia a tuma e bala djasabra i dominá Quality Stars djasabra. Tabata e di dos wega ku Cedric a aparesé komo picher.

Reginald Pietersz ku 6 hit den wikènt pa yuda

Djasabra 2 di òktober

Santa Rosa Memories 12, Quality Stars 2

Santa Rosa Memories tabatin 8 hit ku 2 eror. Cedric Antonia a gana i Reginald Pietersz a bai di 4-3, Shendy Cras di 4-2. Shurnold Martina a bai di 2-1, Farley Girigorie ku Michelangelo Cijntje, ámbos a bai di 3-1. Pa Quality Stars 4 hit ku 4 eror. Hayzem Martina a pèrdè. Kelvin Winklaar ku Jair Quant, ámbos a bai di 2-1. Hensley Josephina ku Dayron Puriel, tur 2 a bai di 3-1.

Santa Rosa a klasifiká pa semi-final despues di dos viktoria den wild card den wikènt.

Djadumingu 3 di òktober

Santa Rosa Memories 4, Bulldogs 3

Santa Rosa Memories a dal 11 hit i nan a kometé 2 eror. Fisel Pereira tabata picher ganadó. Reginald Pietersz a bai di 3-3 i Egbert Polonius di 4-3. Shendy Cras, Farley Girigorie, Michelangelo Cijntje ku Ian Leito, tur a bai di 3-1. Pa Bulldogs 4 hit ku 3 eror. Bryon Kook a resultá pèrdèdó. Signald Paz a bai di 3-2. Railison Isenia ku Damery Meyer, ámbos di 3-1.