Santa Rosa ta dal Wild Cats 6-4 i bai dilanti 2-0 den e seri final
WILLEMSTAD- Santa Rosa Indians ku bon picheo atrobe di Jordan Lucas ta dal Wild Cats 6-4 i bai dilanti 2-0 den e seri final. Jordan Lucas a tira 6 inning bon, pa wanta su ekipo den e wega. Hershelon Juliana a tira 2 i un tersio di inning di relevo pa bai ku e viktoria. Risandro Pastor ku a tira 6 inning pa Wild Cats a resultá e picher pèrdèdó. Tur dos ekipo a usa 4 picher. Pa Santa Rosa a picha Jordan Lucas (6.0 inning), Cezan Rafaela (0.0 inning) Hershelon Juliana (2.1 inning) i Swindley Lint (0.2 inning). Swindley Lint a haña e wega salbá. Pa Wild Cats a picha Risandro Pastor (6.0 inning), Joharvy Martinez (0.2 inning) Kennimar Leocadia (0.2 inning) i Ruwendley Bonifacio (0.2 inning). Wild Cats a nota un kareda den promé inning, unu den di dos inning, 1 den di 7 inning i unu den di 9 inning. Santa Rosa a skor 2 kareda den di 3 inning, 1 den di 6 inning, 2 den di 7 inning i unu den di 8 inning. Randy Kirindongo a dal un homerun pa Wild Cats i Jurgen Statie un homerun pa Santa Rosa. E seri final ta sigi djamars awor ku wega number 3 di e seri entre Wild Cats i Santa Rosa.
NUMERITONAN
Santa Rosa a nota 6 kareda, dal 10 hit i kometé 2 eror. Hershelon Juliana tabata e picher ganadó. Ildion Martina i Yevganni Reinita a bati di 3-2. Jurgen Statie a dal un homerun. Karim Ayubi a bati di 1-1.
Wild Cats a bati 11 hit i hasi 1 eror. Risando Pastor tabata e picher pèrdèdó. Randy Kirindongo a bati di 4-3 ku un homerun. Calten Daal a bati di 5-2, Yurendell de Caster di 4-2.
