Selekshon di Kòrsou di Sòftbòl Fememino kontra Aruba djarason 12’or di mèrdia na Virgin Islands
VIRGIN ISLANDS – Selekshon di Korsou di Sòftbòl Fememino a biaha pa Virgin Island pa kompeti den e kampionato den e kampionato ECASC). Djarason 1 di mart pa 12’or di merdia nos lo hunga e promé wega di e kompetensia i alabes nos promé partido kontra di Aruba.
Selekshon nashonal di sòftbòl femenino a konkluí 7 siman di preparashon intensivo ku a konsistí di trainingnan mental, trainingnan riba vèlt i tambe seshonnan di “ teambuilding”. Djadumingu 26 febrüari tabata e último training di nos selekshon nashonal. Federashon di CSB ta yama Maduro & Curiels Bank danki ku durante aña ta hasi posibel pa e selekshon di Kòrsou train gratuitamente na Bam Bam Tech Sportzone. E team di maneho ta mira bek un periodo di preparashon eksitoso ku ta duna e team un konfiansa i speransa ku nos selekshon ta kla i ta desidido pa trese e título máksimo kual ta kampion di ECASC ( English Caribean Amateur Softball Confederation) ku ta nifiká outomátikamente klasifikashon pa Juegos Centro Americano I del Caribe CAC. E kompetensia ta start 1 mart 2023 i lo tin partisipashon di 6 Pais kual ta Kòrsou, Aruba, Sint Maarten, Britsh Virgin Island, US Virgin Island i Jamaica.
Djamars 28 febrüari pa 9or di mainta e delegashon di Kòrsou a sali pa US Virgin Island i Djárason 1 Mart 12or di mèrdia Selekshon di Kòrsou lo tin nan promé partido kontra di Aruba.
Federashon di Sòftbòl Kòrsou ta gradesido na MCB i tambe FDOK (na nòmber di Gobièrnudi Kòrsou) ku a kubri gastunan di e kompromiso importante aki. CSB i team di maneho tambe kier gradisí 2 hungadó aktivo di softball lokal ku no ta formando parti di e selekshon pero tòg a uza nan tempu liber pa kombiná komo picher i kècher i tira vários biaha “live pitching” pa e selekshon por a bati, kual ta Arnalda Margaritha i tambe Moësha De Paula. Tambe nos kier a gradesí Raichel Sambo ku tambe a kontribuí ku su picheo di manera e selekshon por a bati picheo bibu. Por último nos kier a gradesí Sr. Chape Bernardus ku a asistí e kuerpo tékniko na tur training kontribuyendo na e totalidat di e trainingnan.
E delegashon ta konsistí di hungadónan,
Thaima Maximiliana ,Joanna Benita ,Shurvienska Wawoe ,J'Dah Girigorie, Joannie
Benita, Julise Coffi, Michenou Marselia,Deidra D/C Gomez, Anais Piar, Ashanty
Alexandre, Sovienca Calmera , Suheydi Faneyt , Karin Tuk , Jandely Ricardo,
Richelle van Gennip .
Kuerpo tekniko ta konsisti di; Evan Balentina Manager, Emerick Agatha coach, Patrick Girigorie coach, Marvin Wijman coach.
