Selekshon di Kòrsou kontra Honduras djaluna 6 di yüni pa 10'or pm
WILLEMSTAD - Dia 6 di yüni 2022 nos selekshon nashonal lo bolbe enfrentá Honduras den Estadio Olímpico Metropolitano pa 10'or pm ora di Kòrsou. Djabièrnè último nos a pèrdè ku skor di 1-0 dilanti un públiko grandísimo den Stadion Ergilio Hato.
Nos hungadónan ta 'fit' i ku ánimo pa nos segundo enkuentro i lo duna tur ku tin pa logra un viktoria. Aktualmente nan ta entrenando 1 ora pa despues regresá hotel i sosegá pa e partido di mañan anochi. Nos ta deseá nos selekshon tur kos bon pa mañan durante nos segundo enkuentro kontra Honduras!
E wega aki ta krusial pa selekshon nashonal di Kòrsou. Mester gana pa wak e sigiente wega kontra Canada pa wak si nos por keda den e promé nivel di Concacaf Nations League. Si keda na di 3 luga den e pul aki nos lo degradá pa e sigiente nivel.
