Selekshon Femenino Senior djabièrnè 10 di yüni pa 11.40 am kontra Peru
ARGENTINA- Kòrsou su selekshon di sòfbòl femenino senior ta kuminsá ku su wega di playoff djabièrnè 10 di yüni 11:40 am ora ku nos enfrentá e ekipo di Perú. Nos ke gradisí MCB pa semper ta presente den momentunan grandi manera esaki pa nos deporte nashonal. Sin e aporte di nos banko amigu MCB i FDOK Kòrsou no por a manda e selekshon pa representá nos. Preparashon di e selekshon tabata hopi intensivo, den esaki tambe MCB su aporte ta grandi.
WEGA DI DJARASON
Ku e wega empatá na 2 na banda den bòm di 7 inning, Anias Piar ta presentá na bate ku base yen i ta konektá un bataso ku ta pika dal den waya pa empugá e kareda pa Kòrsou laga Guatemala den tereno ku skore di 3 pa 2. J'Dah Girigorie a tira henter e wega pa bai ku e viktoria pa Kòrsou.
Ku esaki Kòrsou ta klasifiká na di 4 lugá i ta bai enfrentá Peru djabièrnè.Ta hunga e play-off sistema di Page. 1 vs 2 , e ganado ta bai final e pèrdèdó ta enfrentá Korsou ora ku nos gana di Peru. Curacaose Softball Bond ta yama Danki un biaha mas pa e apoyo di MCB i FDOK ku a perkurá pa nos por bai defende Kòrsou na e torneo aki.
