Selekshon Intermediate League Pabou a sali pa Puerto Rico pa Kampionato Latino Americano

WILLEMSTAD- Djaweps, 19 di yüni 2025 den oranan di mèrdia, e selekshon di Intermediate League Liga Pabou a biaha pa Puerto Rico (Mayaguez),  pa partisipá den e Kampionato Latino-Americano di Beisbòl Intermediate League.  E kampionato di hóbennan lo start dia 19 di yüni i lo terminá dia 29 di yüni 2025.

Delegashon Intermediate promé ku nan subi avion rumbo pa Puerto Rico.

‍
RBC Royal Bank manera ta e kaso ku tur selekshon, tabata presente pa duna e selekshon sostén i deseá e delegashon  éksito. RBC Royal Bank, manera ya a bira un tradishon pa 25 aña kaba, ta spònser  unifòrm, kubri gran parti di e biahe i naturalmente ‘zakgeld’ pa e muchanan di selekshon. RBC Royal Bank ta spònser number 1 di Little League ya pa 25 aña.

Pastor Juan Carlos ta hasi orashon ku e delegashon Intermediate promé ku nan bai e sala di espera pendiente pa abordá e avion.

E siguiente hungadónan a biaha ku e selekshon: Darwin Blanquicett Gonzalez, Reychel Cicilia, Darljeano Victoria Cijntje, Jurzinho Coffie, Kyler Constancia, Ruwensley Estachia, Javery Felicia.
Jayven Godfried, Rayzjel Isabella, Claydison Martina, Frank David Moron, Willy Valdez Payano, Jose Lopez Sanchez,  Ky-Mahni Thomasa.
Manager di e selekshon ta Sherrintley Da Costa Gomez asistí pa téknikonan Argenis Martina i Anthony Cijntje. Sr. Sherton Saturnino ta hefe di delegashon asistí pa Richendell Sirvania.

Jeffrey Martina na nòmber di Curacao Little League Baseball ta papia ku e delegashon na aeropuerto promé ku nan subi avion rumbo pa Puerto Rico. RBC Royal Bank a sòru pa e muchanan i dirigentenan haña zakgeld pa e biahe.

‍

‍