Selekshon Minor League Pabou a sali pa Republica Dominicana i tin dos wega ganá ku skor grandi

WILLEMSTAD- Djaweps, 24 di yüli 2025 den oranan di mèrdia e selekshon di Minor League Liga Pabou a biaha pa Punta Cana  pa partisipá na e Torneo Latino Americano/America di Beisbòl Minor League.  E kampionato di hóbennan lo start dia 24 di yüli i lo terminá dia 31 di yüli 2025. Djabièrnè selekshon a gana di Baby Rockies Caguas ku skor di 11-1 i djasabra a gana ekipo Colombia 15-0. Djabièrnè tabatin apertura ofishal.

Delegashon Minor promé ku nan subi avion rumbo pa Republica Dominicana (Punta Cana) ku banner di spònser number 1 di Little League.

RBC Royal Bank manera ta e kaso ku tur selekshon, tabata presente pa duna e selekshon sostén i deseá e delegashon  éksito.
E siguiente hungadónan a biaha ku e selekshon:  Jairo Suares, Joshue Lopez Sanchez, Devon Bonafasia, Kyrsean Constancia, Yaevdeni Williams, Eden Cijntje, Zaeydyon Poulo, Q’Sheeno Vanblarcum Caciano, Zy-Zix Pieter, Nayson Adamus, Nadiön Girigorie, T’Seandrick Fraay, Kaylen Valks i Jaylen Valks

Sr. Jeffrey Martina na nòmber di Curacao Little League ta papia ku e delegashon na aeropuerto promé ku nan subi avion rumbo pa Punta Cana. Martina a bisa nan pa hasi nan bèst i a deseá nan éksito.

‍
Manager di e selekshon ta Dimitri Eugenia asistí pa téknikonan Richard Lopez i Johannes Gregorius jr.
Sr. Eran Neuman ta hefe di delegashon asistí pa sra. Shanna De Jongh. Sr. Carol De Palm ta e empayer ku ta biaha pa Puerto Rico ku e delegashon.

Selekshon Minor ta ‘yèl’ promé ku nan move pa kontròlnan na aeropuerto.

ALGUN PORTRET DI APERTURA OFISHAL