Selekshon Minor League Pariba a sali pa Puerto Rico pa Kampionato Latino Americano

WILLEMSTAD- Djarason, 24 di yüni 2026 den oranan di mèrdia e selekshon di Minor League Liga Pariba a biaha pa Puerto Rico (Loiza), pa partisipá na e Kampionato Latino Americano di Beisbòl Minor League.  E kampionato di hóbennan lo start dia 25 yuni i lo terminá dia 5 di yüli 2026. RBC Royal Bank manera ta e kaso ku tur selekshon, tabata presente pa duna e selekshon sostén i deseá e delegashon  éksito.

Delegashon Minor promé ku nan subi avion rumbo pa Puerto Rico (suidat Loiza). Por mira representante di spònser number 1 di Little League, RBC Royal Bank, Sharier Dorand na man drechi huntu ku e delegashon kompletu.

E siguiente hungadónan a biaha ku e selekshon:  Jurviano De Windt, Benjamin Dunker Croes, Jeanev Espirt, Q’Shaun Janga, Ethan Lanoy,  Jaymiron Martina, Qi-jorn Martina, May-jean Mariano, Randsley Petronella, Reaghan V. Ricardo, Zayendrik Rooseberg, Jamir Casteñera, David Pieternella. Manager di e selekshon ta Raylison Gijsbertha, asistí pa téknikonan Shurby Sambo i  Suwently Allee.
Sra. Christinbe Davelaar ta hefe di delegashon asistí pa sr Robert Martis . Sr. Eldrin Ortega ta e empayer ku ta biaha pa Puerto Rico ku e delegashon.

Sr. Sharier Dorand ta papia ku e delegashon na aeropuerto promé ku nan subi avion rumbo pa Puerto Rico. Dorand a bisa nan pa hasi nan bèst i a deseá nan éksito.
Miembronan di kuerpo tékniko i hefenan di delegashon promé ku biaha pa Puerto Rico.

Minor Kòrsou a gana Loiza 17 pa 0

LOIZA- E selekshon di Minor di Liga Pariba a gana Loiza ku skor di 17 pa 0 djaweps den e kampionato Minor Latino ku ta tumando lugá na Loiza (Puerto Rico). E selekshon ta bou di direkshon di Raylison Gijsbertha. Awe, djabièrnè  nos selekshon lo topa ku Venezuela 10'or am.

‍

‍


Selekshon Intermediate League Pabou a sali pa Meksiko pa Kampionato Latino Americano

**** mientras tantu e selekshon a kai vensi den semifinal despues ku nan tabata invikto****

WILLEMSTAD- Djabièrnè, 20 di yüni 2025 den oranan di atardi, e selekshon di Intermediate League Liga Pabou a biaha pa Meksiko (Reynosa),  pa partisipá den e Kampionato Latino-Americano di Beisbòl Intermediate League.  E kampionato di hóbennan lo start dia 20 di yüni i lo terminá dia 27 di yüni 2025.
RBC Royal Bank manera ta e kaso ku tur selekshon, tabata presente pa duna e selekshon sostén i deseá e delegashon  éksito. RBC Royal Bank, manera ya a bira un tradishon pa 26 aña kaba, ta spònser unifòrm, kubri gran parti di e biahe i naturalmente ‘zakgeld’ pa e muchanan di selekshon. RBC Royal Bank ta spònser number 1 di Little League ya pa 26 aña.

Delegashon Intermediate promé ku nan subi avion rumbo pa Meksiko

E siguiente hungadónan a biaha ku e selekshon:
Savic De Palm, Rashedan Ellis, Raygen Raphaela, Rachendrick Ignacia-Romano, Tyrese Martha, L'Viandro Petronella,
Jeffrey Delice Cafsia, Shadi El Ayoubi, Hjahmir Helmijr, Jaydion Rojer, Na-J Nahr, Janderick Martina, Xaycian Williams, Tyzion Vijent
Manager di e selekshon ta Argenis Martina asistí pa téknikonan Rachid Ellis i Ildion Martina. Sr. Sherton Saturnino ta hefe di delegashon asistí pa Rylandrew Schoop.

Sr. Sharier Dorand ta papia ku e delegashon na aeropuerto promé ku nan subi avion rumbo pa Nicaragua. Dorand a bisa nan pa hasi nan bèst i a deseá nan éksito.
Presidente di Liga Pabou Eugene Sambo ta papia ku delegashon Pabou Intermediate na aeropuerto.

‍

Intermediate Kórsou a kai vensí den semi-final

REYNOSA – Kòrsou a kai vensí ku skor di 8 pa 7 kontra Meksiko 1 den semifinal di Intermediate Latino Americano. Kòrsou Intermediate tabata invikto ku 4 ganá 0 pèrdí den e buelta regular ganando praktikamente tur wega nòkout. Den e semifinal sinembargo nos a kai vensi. Den e otro semifinal Aruba a gana di Venezuela 8 pa 6 i bai final kontra Meksiko 1. E final a tuma lugá djabièrnè  26 di yüni.

Kuerpo tekniko selekshon Intermediate Pabou, coach Rashid Ellis, manager Argenis Martina i coach Ildion Martina.

‍

‍

‍

‍