RBC Royal Bank presente na aeropuerto
Selekshon Senior League Pabou a sali pa Puerto Rico pa Kampionato Latino Americano i Kòrsou ku 0-2
WILLEMSTAD- Djaweps, 23 di yüni 2022 den oranan di mèrdia, e selekshon di Senior League Liga Pabou a biaha pa Puerto Rico (Guayama), pa partisipá den e Kampionato di Karibe di Beisbòl Senior League. E kampionato di hóbennan lo start dia 23 yüni i lo terminá dia 30 yüni 2022.
RBC Royal Bank manera ta e kaso ku tur selekshon, tabata presente pa duna e selekshon sosten i deseá e delegashon éksito. RBC Royal Bank, manera ya a bira un tradishon pa 22 aña kaba, ta spònser unifòrm, kubri gran parti di e biahe. RBC Royal Bank ta spònser number 1 di Little League ya pa 22 aña.
Delegashon Senior promé ku nan subi avion rumbo pa Puerto Rico. Por mira representante di spònser number 1 di Little League, RBC Royal Bank, sr. Sharier Dorand huntu ku e delegashon kompletu.
E siguiente hungadónan a biaha ku e selekshon: Nathan Castillo, Jamdrick Cornelia, Edison Isabella, Furgentley Jamanica, Chelton Jones, Charmayne Josefa, Curley Martha, Shendrion Martinus, Ryjeteri Merite, Jurdrick Profar, Keven Rosina, Jurion Reina, Shendrick Sambo, Deshandro Tromp, Dylan Wilson i Clay Winklaar.
Manager di e selekshon ta Rubylin Nicasia, asistí pa téknikonan Erwin Benita i Gustavito de Jongh. Sr. Sherton Saturnino ta hefe di delegashon asistí pa Wendell Lucas. Sr. Carol de Palm ta e umpire ku Kòrsou lo manda pa e kampionato Senior pa Puerto Rico.
Kòrsou 0-2 na Puerto Rico
Selekshon di Kòrsou a pèrdè dos wega sigi na Puerto Rico. Djabièrnè 24 di yüni Korsou a pèrde 7-1 vs Puerto Rico B. Djasabra 25 di yüni Korsou a pèrdè 4 pa 1 kontra Puerto Rico A. Djadumingu 26 di yüni Kòrsou lo hunga kontra Aruba pa 11’or am i despues pa 2’or pm Korsou lo topa ku Virgin Island. Ke men Double Header djadumingu, djaluna liber pa play-off djarason. Ganando un wega Kòrsou su chèns ta grandi pa klasifika number 4 i ganando dos wega Kòrsou lo klasifiká number 3 pa topa ku Puerto Rico B. Semi-final ta djamars, final ta djarason.
RESULTADONAN
Djabièrnè 24 di yüni
Puerto Rico B 7, Korsou 1,
Puerto Rico A 8, Aruba 4
Puerto Rico A 16, Virgin Island 1
Djasabra 25 di yüni
Aruba 8, Puerto Rico B 5
Aruba 12, US Virgin Islands 2
Puerto Rico A 4, Curacao 1
Curley Martha
