Semifinal di Sòftbòl Liga 50 ta start djasabra 27 di september na Van Engelen Ballpark
WILLEMSTAD - Djasabra 27 di sèptèmber ta start ku e gran semi-final di Sòftbòl Liga 50 na Van Engelen Ballpark. E promé wega ta 12’or entre Jaws ku a terminá na promé lugá i Baranka ku a terminá number 4. E sigiente wega ta 2’or entre Ban Serio ku a terminá number 2 i Catpower/Raiders ku a kaba number 3.
Ta trata di un seri mihó di 3 ku lo sigi djasabra 11 di òktober debí ku dia 4 di òktober direktiva di liga a duna liber. Ta spera bon públiko naturalmente manera ta e kaso tur djasabra. Temporada 2024 tabata ekiponan Marlins, Ban Serio, Jaws i Baranka ku a klasifiká. Marlins no ta den e play-off den 2025 i Catpower Raiders a drenta komo number 3. Baranka ta kampion di 2024 i Ban Serio kampion di 2023. Nos tin resultadonan di siman pasá kaminda Baranka a gana e seri di wild card.
Baranka ta dal Pitufos 16-0 i klasifika number 4 den Liga 50
WILLEMSTAD- Baranka a dal Pitufos durísimo ku skor di 16-0 i klasifiká number 4 den Liga 50. Kenny Hellement a gana dos wega den wikènt pa Baranka swip e seri den wild card i lo topa ku Jaws. Den e promé wega di wild card di djasabra Pitufos a gana Marlins 14-4 ku tremendo picheo di Johan Cicilia. Den wega number 2 Baranka despues di tabata atras 4-0 a bini bèk den e wega i gana ku skor di 7-4. Nos tin e numeritonan i djasabra awor play-off semi-final ta start na Van Engelen Ballpark. Pa 12’or lo tin Jaws kontra Baranka i despues pa 2’or Ban Serio vs Catpower Raiders. Semi-final ta seri mihó di 3 i wild card tabata eliminashon.
Baranka 16, Pitufos 0
Baranka a konektá 14 hit i hasi 2 eror.Kenny Hellement tabata e picher ganadó. Edmar Cornelia a bati di 2-2. Shendy Cras, Djuric Pietersz i Dennis Dambruck a bati di 3-2.
Pitufos a bati 2 hit i hasi 5 eror. Juan Cicilia tabata e picher pèrdèdó. Lindsey Maccow a bati di 2-2.
Baranka 7, Marlins 4
Baranka a konektá 6 hit i hasi 2 eror. Kenny Hellement tabata e picher ganadó. Gregory Reina a bati di 3-2. Gregory Bito i Djuric Pieters a bati di 2-1. Marlins a bati 6 hit i kometé 1 eror. Wilfred Soerka tabata e picher pèrdèdó. Roderick Postina a bati di 3-2.
Pitufos 14, Lions 4
Pitufos a bati 13 hit i hasi 2 eror. Johan Cicilia tabata e picher ganadó. Gerald Zimmerman i Sharlon Louisa bati di 2-2. Robertson Josefa a bati di 3-2, Geomaly Campagnard di 1-1. Lions a konektá 7 hit i kometé 1 eror. Gilbert Bernadina a bati di 3-2 i Heinrich Weever tabata e picher pèrdèdó.
Irvin ‘Skippy’ Sambo kampion bate i Ramiro Balentina lider di homerun
WILLEMSTAD- Direktiva di Liga 50 a saka e sifranan final di temporada regular. Irving ‘Skippy’ Sambo di Marlins a resultá kampion bate i Ramiro Balentina a sali lider di homerun. Jair Josepha di Ban Serio a terminá komo lider di kareda empuhá i Fernando Rosario lider den picheo. Na final di temporada lo parti e premionan individual.
BATEO: Irving Sambo (Marlins) .586, Lindsie Maccow (Pitufos) .577, Humphrey Antonia (Pitufos) .571, Jair Josepha (Ban Serio) .567 i Ericson Windster (Artemisia) .548.
HOMERUN: Ramiro Balentina (Baranka) 8, Jair Josepha (Ban Serio) 5, Stanley Palm (Flamboyan) 4, Edmar Cornelia (Baranka) 4, Luigi Yanez (Ban Serio) 4 i Richenel Candelaria (Marlins) 3.
KAREDA EMPUHA: Jair Josepha (Ban Serio) 21, Earl Virginia (Catpower/Raiders) 18, Irving Sambo (Marlins) 17, Ramiro Balentina (Baranka) 17, Kelvin Winklaar (Ban Serio) 17 i Richenel Candelaria (Marlins) 17 .
PICHEO: Fernando Rosario (Jaws) 8-1, ERA 2.58. Juan Cicilia (Pitufos) 7-0, ERA 4.01. Michelangelo Boekhoudt (Ban Serio) 4-0, ERA 3.13. Miro Daal (Ban Serio) 5-1, ERA 7.74. Gilbert Henrietta (Catpower/Raiders) 4-1, ERA 4.55. Gregory Martina (Catpower Raiders) 4-2, ERA 3.55. Kenrick Hellement (Baranka) 5-3, ERA 3.97.
MAS INFORMASHON DI SÒFTBÒL I BEISBÒL
Lesadònan di Deporte Kòrsou, bon dia i felis wikènt. Wikènt pasá kandela pa loke ta trata Sòftbòl Liga 50, Beisbòl Veterano i Liga 60. Djasabra 20 di sèptèmber tabatin dos wega di deskite na Van Engelen Ballpark den Liga 50. Den e promé wega e ekipo Pitufos a pasa relatívamente fásil riba Lions ku tremendo picheo atrobe di Johan ‘Janchi’ Cicilia. E wega aki a terminá ku skor di 14-4 na fabor di ekipo Pitufos ku a start slow, pero a kai den un racha formal. Na komienso di temporada Pitufos tabatin rèkòrt di 1-4. Den e otro wega di wild card djasabra ekipo Baranka a gana Marlins 7-4. Baranka a nota 7 di kual 3 tabata limpi. Bon públiko pa mira e weganan tantu djasabra komo djadumingu. Baranka a dal Ptifuos 16-0 djadumingu.
* * * * *
Djasabra awor play-off semi-final ta start na Van Engelen Ballpark ku wega entre Jaws i e ganadó entre Baranka i Pitufos pa 12’or i despues pa 2’or ta Ban Serio kontra Catpower/Raiders. Djasabra 4 di òktober no tin wega i e seri ta sigi djasabra 10 di òktober na Van Engelen Ballpark. Ta trata di un seri mihó di 3 entre Jaws (1), Baranka (4), Ban Serio (2) i Catpower/Raiders 3. Ban Serio a gana Catpower/Raiders ku skor di 3-0 den e úniko biaha ku e dos ekiponan a enfrentá otro durante e kampionato regular. Jaws a pèrdè kontra Baranka na un okashon 4-3 den di e promé buelta i den di dos buelta Jaws a dal Baranka 14-3. Jaws a gana Pitufos 4-3 den promé buelta.
* * * * *
Pa loke ta Beisbòl Veterano, djasabra Santa Rosa a dal Marlins fásil 10-2. Stanford Landburg a tira e wega i tabatin otro hungadó hóben den akshon ku ta Philip Bonofacio. Marvin Loduwika tambe a kalentá brasa un tiki riba Marlins i a tira 2 inning sin tuma hit ni kareda. Den e otro wega Otrabanda a dal Azucar duru 12-3. Edison Clemencia i Luigi Yanez a kombiná pa gana e wega. Djadumingu den oranan di mèrdia ta kandela mester tabatin entre Quality Stars i Santa Maria Pirates, kampion i supkampion di temporada 2024. E dos ekiponan tabata empatá na promé luga ku rèkòrt di 10-2 promé ku e wega kuminsá. Quality Stars a gana Santa Maria Pirates fasil ku skor di 10-2. Sòftbòl Slowpitch i Beisbòl Veterano kandela den sèptèmber aki rumbo pa play-off den luna aki òf òktober.
* * * * *
Den Liga di Nos Tur. Sin Stres a dal Shining Stars duru djabièrnè 26 di sèptèmber. Djasabra 27 di sèptember ta kandela ora ku Sin Stres topa ku Un kara. E siman promé Un Kara a dal Shining Stars ku skor di 8-7 i djasabra siman pasá. Un Kara a gana Join Me 12-2. Despues di e weganan di wikènt Shining Stars ta na kabes ku rèkòrt di 4-1, sigí pa Sin Strès 3-1, Un Kara 3-2 i Join Me 0-6.
* * * * *
Kalor sofoktante, temperatura haltu wikènt pasá. Liganan a tuma medida ku break pa bebe awa, break pa sosegá e kurpa, hungadónan i dirigentenan por keda pafó di dugout, ets. Rumannan bai poko poko den weganan di veterano den e solo kayente. Den Liga 60 Los Amigos a gana Pitufos, Jaws a dal Mon Repos Sluggers i Nos Tambe Por a superá Nos Power. Beisbòl Dòbel A a sigi ku play-off Rosyal Scorpions a swip Santa Maria i klasifiká pa final. start ku play-off 2. Santa Rosa ta dilanti 2-1 den e seri final kontra di Wild cats. Nos ta keda te aki pa awe. Te mayan ku Poder di Dios.
