Seri di promoshon di Beisbòl pa Dòbel A empatá na 1

WILLEMSTAD – Den wikènt weganan di promoshon pa Dòbel A di Beisbòl lokal a start den Stadion Johnny Vrutaal. Djasabra The Champs a gana Suffisant Royal Magic ku skor di 8-7. Djadumingu tabata Royal Magic ku a gana 14-9. E seri mihó di 7 ta sigi dianan 21, 22 i 24 di òktober den Stadion Johnny Vrutaal.

Ekipo Royal Magic Top Professional Cleaning ta reuní despues di wega.


Djasabra 17 di òktober  Wega 1
The Champs 8, Royal Magic 7
The Champs a dal 5 hit i hasi 5 eror. Danyoni Newton a gana i Djuric Ricao a bati di 2-1 i Ruwengelo Leito di 4-2. Royal Magic a dal 11 hit i kometé 5 eror. Emile Isenia tabata e picher pèrdèdó. Rylan Reina a bati di 4-3.

The Champs Subway ta gana e promé wega i pèrdè wega number 2.

Djadumingu 18 di òktober Wega 2
Royal Magic 14, The Champs 9
Royal Magic a dal 13 hit i kometé 7 eror. Sukino Sadji a gana i Elvison Doran a bati di 5-3. Edveron Weeks di 5-3. Rochandi Illdige di 3-2. The Champs a bati 5 hit i hasi 7 eror. Brandon Restrepo Duque tabata e picher pèrdèdó. Djuric Ricao a bati di 1-1. Luis Ferrero di 2-1.

Rymahir Capella kècher di Royal Magic Top Professional Cleaning na bate.

‍

‍