Seri final di Beisbòl Veterano entre Santa Maria i Isla Crackers a empatá

‍
WILLEMSTAD- Isla Crackers a gana Santa Maria Pirates 5-4 djasabra i despues Santa Maria Pirates a derotá Isla fásil 7-1 djadumingu. E weganan menshoná a tuma lugá na Vi Jansen Ballpark dilanti un bon públiko. Djasabra Orsedo Clemencia a relevá pa bira e picher ganadó. Djadumingu tabata Eldred Estanista ku a tira tremendo pa Santa Maria gana e wega relatívamente fásil. Den e wega bálido pa di 3 i 4 lugá Jandoret Raiders a gana Santa Rosa ku skor di 9 pa 5.

‍
Santa Maria Pirates a empatá e seri final djadumingu ganando 7 pa 1.

‍

Tabatin dos wega di Liga 50 djadumingu. Sigi Hunga i Yesterday a keda empatá na 6 kareda djadumingu den oranan di mainta i Jandoret Raiders a dal Otrabanda 11 pa 1. Djadumingu awor e gran final di 40+ entre Isla Crackers i Santa Maria Pirates lo ta 2.30 pm na Vi Jansen Ballpark. Promé ku e wega menshoná lo tin dos wega di Liga 50 pa 10’or i 12’or.

Elred Estanista picher ganadó pa Santa Maria djadumingu.
Jandoret Raiders a gana Santa Rosa 9 pa 5 djasabra i terminá na di 3 lugá.
Quincy Kook kampion bate di Beisbòl Veterano 2021.
Dave Janga ketcher estelar di ekipo Isla Crackers.
Ramiro Balentina, Shon A Nita, Raylan Francisca i Sabalo Estanista di Santa Maria Pirates.
Isla Crackers a pika dilanti den e seri 1-0, pero a keda kòrtiku djadumingu.

‍