Serinan di Semi-final di Beisbòl Veterano ta empatá na unu

Den Semi-Finalnan di Beisbòl Veterano
Serinan di Best of Three ta empatá na unu

WILLEMSTAD-  Wikènt awor lo tin dos wega desisivo di semi-final di Beisbòl Veterano.  Djadumingu 17 di òktober lo tin dos wega desisivo. Pa 11’or Santa Rosa Memories lo topa Isla Crackers i 2.30’or Jandoret Raiders lo hunga kontra Santa Maria Pirates.  Djasabra 9 di òktober i djadumingu 10 di òktober tabatin weganan kandela na Vi Jansen Ballpark. Santa Maria a gana Jandoret 5-4 djasabra i pèrdè 6-3 djadumingu.  Isla Crackers a dal Santa Rosa Memories djasabra 9 pa 5 i pèrdè djadumingu 6-5.

RESULTADONAN
Santa Maria Pirates 5, Jandoret Raiders 4
Santa Maria tabatin 10 hit ku 2 eror. Amador Nita a gana. Roderick Zimmerman a bai di 3-3, Stanford Landburg di 3-2. Ramiro Balentina, Eldred Estanista ku Gerthon Matrona, tur a bai di 2-1. David Kirindongo ku Amador Nita, ámbos  bai di 3-1. David Kirindongo  a konektá 1 homerun. Pa Jandoret 6 hit sin eror. Earl Virginia a pèrdè. Randolph Balentina a bai di 3-2. Earl Virginia ku Sherdon Rombley, ámbos a bai di 2-1. Charlton van Thijs a bai di 3-1.

Isla Crackers 9, Santa Rosa Memories 5
Isla a dal 11 hit i kometé 1 eror. Orsendo Clemencia tabata picher ganadó. Dave Janga ku Kevin Boekhoudt, ámbos  bati di 4-3. Rolin Eustatius a bai di 4-2. Dennis D’Arnault a bai di 2-1 i  Joell Angelista di 3-1. Santa Rosa tabatin 10 hit ku 3 eror.  Fisel Pereira a resultá pèrdèdó. Egbert Polonius ku Farley Girigori a bai di 4-2, ámbos. Ian Leito ku Cedric Antonia, ámbos di 2-1. Reginald Pietersz, Michelangelo Cijntje ku Shurnold Martina, tur a bai di 3-1.

Jandoret Raiders 6, Santa Maria Pirates 3
Jandoret tabatin 8 hit ku 1 eror. Deron Clara a bai ku e viktoria. Rigobert Cijntje a bai di 3-2. Randolph Balentina ku Robertico Castillo, ámbos a bai di 2-2. Myron Wijman a bai di 1-1 i Sherdon Rombley di 3-1.
Pa Santa Maria 8 hit ku 1 eror. Irving Sambo a karga ku e derota. Ramiro Balentina a bai di 3-3. David Kirindongo, Eldred Estanista ku Emilio Velarde Lugo, tur 3 a bai di 2-1. Amador Nita ku Raylan Francisca, ámbos di 3-1.

Santa Rosa Memories 6, Isla Crackers 5
Santa Rosa a dal 8 hit i nan a kometé 1 eror. Gilbert Juliana a gana i Shendy Cras a bai di 4-3. Shurnold Martina, Ian Leito ku Alcides Juliana, tur a bai di 2-1. Michelangelo Cijntje ku Randy Lo-A-Tjong, tur 3 a bai di 3-1. Isla tabatin 11 hit i nan a hunga sin eror. Luigi Yanez a pèrdè. Dennis D’Arnault, Julius Veeris ku Rolin Eustatius, tur a bai di 3-2. Charlton Merite a bai di 2-1. Michelangelo Celestina a bai di 3-1 ku 1 homerun.

‍

‍