Serinan final Femenino i Maskulino di vòlibòl superior empatá
E play off final di vòlibòl a kontinuá djadumingu ku e sigiente resultado. Den e sekshon Femenino Stakamahakchi Guardian Group a logra un viktoria importante riba Shuatanari pa fòrsa un wega desisivo. Shuatanari a presentá ayera determiná pa bai ku e título máksimo di Kòrsou, pero nan no por a keda kla ku ofensiva di Stakamahakchi ku tabata sendé sendé ayera. Stakamahakchi ta fòrsa un wega final ganando 3-2 di su eterno rival ku parsial nan 20-25, 25-16, 25-17, 16-25 i 15-12.
Den e sekshon Maskulino tambe tabatin e mes un tipo di drama ora ku Watakeli Building Depot mester a bai kas bèk ku nan bòter di champaña, paso Xaverianen a sorprendé e Kampion nan di Kòrsou pa forsa un wega final. 15-25, 25-19, 25-27, 25-25-21 i 15-10 tabata e parsialnan di e partidaso aki. Ku e dos resultado nan aki djadumingu 23 di ougùstùs desishon tei kai den FeVoKo su temporada 2019/2020, ora ku ta bai tin e gran final den kategoría Femenino Superior i Maskulino Superior. Fevoko lo anunsiá hinter e progama di aktividat aki próksimamente, pues keda pendiente pa e fiesta di klousura di Vòli su divishon di honor.
![](https://uploads-ssl.webflow.com/5d34a02fd1cb7f04ec361a56/5f3a7fb9a6a7754116ae9597_akshon%20mucha%20bon%20danki%20wak_1.jpg)
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/5f2039ce113db554e5c07af4_montana%20auto%20parts%20web%20pa%20aviso.jpg)
![](https://uploads-ssl.webflow.com/5d34a02fd1cb7f04ec361a56/5f340ebc10e0c3c5f573f467_jerry%20booi%20aviso%20real%20real.jpg)