Shuatanari Lab de Med i Watakeli Building Depot ta gana den play-off final
E play off final di vòlibòl a kontinuá djadumingu 2 di ougùstùs den Sala Errol Rooi ku dos wega den klase Superior. Den e sekshon Femenino Shuatanari Lab de Med logra di kita un mas for di Stakamahakchi Guardian Group i a bai dilanti 2-0 den e seri Final mihó di 5. E wega tabata bon bringa ambos banda. Parsial nan di e wega tabata 25-13,22-20,25-22 ,22-25 i 15-11. Un viktoria ta separá Shuatanari pa bira kampion di Korsou. Otro siman diadumingu e seri aki lo kontinuá.
Den e sekshon Maskulino , Watakeli Building Depot tambe ta tin mester di 5 sèt pa gana XAVERIANEN ku parsial nan 25-17,25-23,18-25,20-25 i 16-14. E públiko grandi ku ta tei ayera a disfrutá di un bankete di Vòlibòl . E seri final Maskulino lo kontinuá djarason komo úniko wega den Sala Errol Rooi.
