Shuatanari ta pika dilanti den play-off final di Vòlibòl
WILLEMSTAD- E promé wega di play-off final den kategoria Femenino Superior a tuma lugá djarason 29 di yüli entre Stakamahakchi Guardian Group i Shuatanari Lab de Med i tabata Shuatanari ku a bai ku e viktoria ganando Staka den straight set ku parsial (25-16), (25-18) i 27-25. Shuatanari tabatin dominio total di e wega foi kuminsamentu te final. Den e último set Stakamahakchi a duna señal di bida i nan ta tin set point, pero Shuata a rekuperá na tempu pa bai ke viktoria. Djadumingu e gran final di Vòli ta sigi ku e di dos wega di e seri Femenino i e promé wega di e final Maskulino ku lo bai entre Xaverianen i Watakeli. E wega nan lo start 17.00’or den Sala Errol Rooi.
