Siman Olimpiko Kòrsou di FDOK yegando su final
WILLEMSTAD Dia 24 di yüli 2022 a tuma lugá e apertura di siman olímpiko. E meta di siman olímpiko ta pa yuda engrandesé deporte riba nos isla. Djadumingu tras di lomba a tuma lugá mesora e promé weganan di sòftbòl aya na Sam Buntin ballpark na Brievengat. E tim di Hapon a gana Kòrsou 9 pa 1. Tambe Canada a logra vense USA 3 -1. Riba e mesun dia aki a tuma lugá tambe e torneo nan di dam na sala di FDOK na otrobanda. Sr. Nelson Angela a keda na promé lugá, sr. Clifton Agata na di 2 lugá i na di tres lugá a sali sr. Carlos Lorevil. E deporte di basketbòl tambe a tuma lugá dia 24 yuli na sala di SDK. Sharks Pacific a sa di gana Excel 60 - 19. Tambe e tim di Sharks Atlantic a gana spartacus 61 - 47.
Durante di e siman aki lo tabatin diferente otro deporte mas. Risibi athunto algun pòtrèt di e promé dia di siman olímpiko.
Resultadonan di nos Siman Olímpiko dia 2, 25 di yüli 2022
25 di yüli 2022 a tuma lugá e apertura di e promé weganan di vòlibòl na Sentro Deportivo Kòrsou. A tuma lugá weganan di Senior Femenino i Senior Maskulino. E tim nan ku a partisipá ayera tabata un kombinashon di A- klasse i tambe hoofdklasse. Pa loke ta trata e tim nan femenino, Stakamahachi a sa di gana Hurricane 2 – 0. Tambe Stakamahachi a gana Watakeli 2 – 1. Pa loke ta trata e tim nan maskulino, Warwaru a gana Montezuma 2 – 0 i Watakeli a gana Titus 2 – 0. Tambe e deporte di basketbòl a tuma lugá na sala Niels Liberia na Sufisant. Sharks Pacific a gana Sharks Atlantic 56 – 54. Spartacus a gana Excel 30 – 21.
Risibí athunto resultadonan di nos Siman Olímpiko dia 3, 26 di yüli 2022.
26 di yüli 2022 a tuma lugá e apertura di e promé weganan di futsal na Sentro Deportivo Kòrsou. E tim nan ku a partisipá ta ocean view, U.D Koraalspecht SWF, FC IGA i tambe Sta. Helena.
Ocean View a gana U.D Koraalspecht SWF 2 pa 1. FC IGA i Sta. Helena a empatá 1 – 1. Sta. Helena a gana Ocean View 2 – 1
i U.D. Koraalspecht SWF a gana FC IGA 1 pa 3. Ocean View a gana FC IGA 2 pa 0 I Sta. Helena a gana U.D. Koraalspecht SWF 2 pa 1.
Risibí athunto resultadonan di nos Siman Olímpiko dia 5, 28 di yüli 2022.
28 di yüli 2022 a tuma lugá e final di futsal na SDK. Ocean View a gana Sta. Helena 5 pa 1 i bira kampion.
Tambe a tuma lugá weganan di basketbòl na Sala Niels Liberia na Sufisant. Spartacus a gana Sharks Pacific 72 pa 68.
Sharks Atlantic a gana Excel 53 pa 29. Djasabra lo tin e final di basketbòl na SDK.
Na nòmber di direktiva di FDOK risibí athunto nos invitashon adaptá relashoná ku nos kaminata i klousura di Siman Olímpiko 2022.
Debí na situashon di wer, lamentablemente e stadion di Rif no ta den e estado pa nos por hasi uzo di esaki.
Pa e motibu aki nos a kambia e lokashon di klousura di Siman Olímpiko pa Sam Buntin Ballpark na Brievengat.
