Sin Stres ta swip Un Kara i pasa pa final di Liga Di Nos Tur
WILLEMSTAD- Ekipo Sin Stres ku bon picheo dos dia sigi di Marie Windster a swip ekipo Un Kara den e semi-final di Liga di Nos Tur. E weganan a tuma lugá djabièrnè i djasabra dilanti un públiko grandi den Frank Curiel Ballpark. Ku e viktoria di e seri aki Sin Stres ta pasa pa final i lo topa ku e ekjpo Shining Stars. E gran final lo tuma lugá djabièrnè i djasabra awor den Frank Curiel Ballpark. E weganan di semi-final a termina ku skor di 11 pa 9 i 7 pa 3 na fabor di Sin Stres naturalmente.
![](https://uploads-ssl.webflow.com/5d34a02fd1cb7f04ec361a56/64550e3f121163705e0e2e7d_around%20the%20clock%20logo.png)
![](https://uploads-ssl.webflow.com/5d34a02fd1cb7f04ec361a56/64f901c5887234ef135bfb9c_sin%20stres%20tur%20hende%202.1.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
RESULTADONAN
Djabièrnè 1 di sèptèmber
Sin Stres 11, Un Kara 9
Sin Stres a dal 7 hit i kometé 4 eror. Marie Windster a gana. Marie Windster, Anushka Delando ku Almarisca Paula-Hooi, tur a bai di 3-1. Tanusi Delando ku Dayenne Delando, ámbos a bai di 3-2. Anushka Delando a konektá 1 homerun grand slam i Dayenne a konektá 2 homerun. Un Kara tabatin 10 hit i hasi 4 eror. Isonette Polonius a pèrdè. Valerie Christina a bai di 2-1. Curilma Carolina a bai di 2-2 inkluyendo 1 homerun. Fayna De Mey i Jeamine Pieternella, ámbos a bai di 3-2.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/6367afcc43f458b518c84f5a_un%20kara%20kampion%20.jpg)
![](https://uploads-ssl.webflow.com/5d34a02fd1cb7f04ec361a56/630b7004a3e23b25df62bc71_shurby%20maria%20aviso%20.jpg)
Djasabra 2 di sèptèmber
Sin Stres tabatin 13 hit ku 1 eror. Marie Windster tabata ganadó. Janitza Betrian i Aduke Torres, ámbos a bai di 3-2. Dayenne Delando a bai di 4-2 i Emmely Jonis di 3-3. Un Kara a dal 10 hit i hasi 3 eror. Carlientje Cleopa a resultá pèrdèdó. Fayna De Mey, Isonette Polonius ku Nathaly Lourens, tur a bai di 2-1. Celeste Francisca i Sonaiska Leonora-Francisca, ámbos di 3-2.
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/6498751ac7b645dcdccd63d6_Ekipo%20Shining%20Stars%20i%20Dallilah.jpg)
![](https://uploads-ssl.webflow.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
Den Liga 40
Swift ta derotá Gamers 18 pa 9
WILLEMSTAD- Djaweps 31 di ougùstùs kampionato di Liga 40 a kontinuá na Van Engelen Ballpark ku 2 wega. Den e promé wega e ekipo Swift ta derotá Gamers ku skor di 18 pa 9. E di 2 wega a kontinuá e mesun anochi kaminda Twister a gana Jaws pa medio di nòkout 15 pa 3.
RESULTADONAN
Djaweps 31 di ougùstùs
Swift 18, Gamers 9
Swift tabatin 13 hit ku 3 eror. Enrique Madera a gana i Ian Ignacio a bai di 1-1. Carlos Ramirez a bai di 4-2, Harvin Hart di 4-3 i Wilkin Lockhart a bai di 4-4. Gamers a dal 10 hit i nan a hasi 7 eror. Jose Obispa a pèrdè. Jair Quant, Reugene Martis i Darren Hollander, tur a bai di 1-1. Quincy Kook i Ryan Imperator, ámbos a bai di 2-1, Ryan Samuel di 2-2 i Cristian Sint Jago a bai di 3-2.
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
![](https://uploads-ssl.webflow.com/5d34a02fd1cb7f04ec361a56/64b184125145ccd23dfea8b8_Dave%20Kirindong%20lider%20di%20homerun.jpg)
![](https://uploads-ssl.webflow.com/5d34a02fd1cb7f04ec361a56/631c9608341fb52b8e7fbd19_bam%20bam%20tech%20general.jpg)
Twister 15, Jaws 3
Twister a dal 14 hit i kometé 1 eror. Shurandy De Lima tabata ganadó. Shurendi Sambo, Siegfried Gijsbertha i Shurmen Gerard, tur a bai di 1-1. Miguel Velasquez, Gilbert Emperador, Michael Vrutaal ku Thomas Martina, tur di 2-1. Germaine Wespel, Juan Quevedo ku Cedrik Gill, tur a bai di 3-2. Jaws tabatin 5 hit ku 2 eror. Franklin Hagen a resultá pèrdèdó. Giovanni Maduro a bai di 1-1. Bienvenido Jose Sierra Martinez, Dudley Felicia, Shanon Kleinmoedig i Ramon Cabrera Dominguez, tur a bai di 2-1.
![](https://uploads-ssl.webflow.com/5d34a02fd1cb7f04ec361a56/64985358bd2694e6556c503c_Floranus%20kontratista.jpg)
![](https://uploads-ssl.webflow.com/5d34a02fd1cb7f04ec361a56/64b18385efe9dcd02b4eaa3d_Baranka%20kampion%20Liga%2040.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
Fanátikonan di Deporte Korsou, bonnochi. Nos ta den sèptèmber aki kargá ku informashon di Sòftbòl i Beisbòl. Nos lo tin detaye di Liga 50, Liga Di Nos Tur , Liga 40 i 60, Liga Amstel, Liga Van Engelen, Beisbòl Veterano, ets. Nos ta den pik di Sòftbòl i Beisbòl den luna di sèptèmber aki. Play-off final di Beisbòl Dòbel A ta start djaweps 7 di sèptèmber entre Santa Rosa Indians i Royal Scorpions. Despues di basta aña nos lo tin un final entre e dos ekiponan aki ku tin hopi historia den nos Beisbòl. Djamars tabatin konferensia di Prensa ku partisipashon di dirigente i hungadó di e dos ekiponan.
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/64f903211ade9af6a62a08f4_347252285_611717570929361_5415891701282994243_n.jpg)
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
* * * * *
Pa loke ta trata Beisbòl Veterano, ekipo Marchena Stars a pèrdè pa defolt djasabra mainta kontra Isla
Crackers. Kos ta pinta skur pa ekipo Marchena Stars ku kasi tur wega tin nèt 9 pa 11 hungadó. Na 2019 e ekipo a partisipá pa promé biaha na kampionato di Beisbòl Veterano. Promé ku e kampionato di 2019 e ekipo a bira kampion di e torneo warm-up di e aña ei organisá pa Bulldogs. Den e promé aña e ekipo tabata bou di maneho di Beer Adelina. Ruisandro Cijntje i Evans Schoop tabata fundadónan di ekipo Marchena Stars. Den e otro weganan di Beisbòl Veterano di djasabra, Santa Maria Pirates a pasa riba Vosama ganando ku skor di 10 pa 3. The Brothers a nòkout Marlins 17 pa 4 den e último wega di djasabra pasá.
![](https://uploads-ssl.webflow.com/5d34a02fd1cb7f04ec361a56/640b3d5e3c13562911b3127e_IMG-20230309-WA0028.jpg)
![](https://uploads-ssl.webflow.com/5d34a02fd1cb7f04ec361a56/648da5f0052fafd80a5d22c5_347235399_985415085786637_1206966337540900971_n.jpg)
![](https://uploads-ssl.webflow.com/5d34a02fd1cb7f04ec361a56/630b7004a3e23b25df62bc71_shurby%20maria%20aviso%20.jpg)
* * * * *
Djaweps anochi den Liga 40 Swift a zona Gamers fásil 18 pa 9. Eks hungadónan di Gamers manera Stanley Palm, Quincy Kook, Kevin Boekhoudt tabata den Gamers. Dave Kirindongo a hunga den su ekipo Swift despues ku ela hunga 2 aña den Crazy Tigers. Crazy Tigres tabata kampion na 2019, na 2021 Swift i na 2022 Baranka a tuma mando bèk. Baranka ta super kampion di 40+ ku masha hopi título mes. Den e otro wega di djaweps ekipo Twister, ekipo nobo den 40 + Sòftbòl ku hungadónan manera Rayshal Francisca, Miguel Velasquez, Reinaldo Elcock a nòkout Jaws 15 pa 3.
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/64ea3f63c7954f09e3124f9b_347381927_104910542614076_3874793878805570752_n.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
* * * * *
Ekipo Sin Stres a eliminá Un Kara den semi-final i pasa pa final kontra Shining Stars den Liga di Nos Tur. Un públiko grandi tabata presente pa mira nos veteranonan femenino den akshon na Frank Curiel Ballpark. Djabièrnè Sin Stres a gana di Un Kara ku skor di 11 pa 9 i djasabra Sin Stres a dal Un Kara 7 pa 3. E picher Marie Windster ku su variashon di lansamentunan a gana Un Kara na tur dos okashon. E respaldo defensivo di ekipo Sin Stres pa Marie Windster tabata mas o ménos djabièrnè, pero tòg ela logra gana e wega. Djabièrnè Sin Stres a hasi 4 eror i djasabra nan a kometé solamente un eror pa Marie Windster gana mas fásil. E kampionato 2023 di Liga di Nos Tur ta dediká na Marie Windster i Dalilah Martina. Dalilah Martina ta hunga den Shining Stars, ke mèn e hungadónan na ken e kampionato ta dediká lo topa otro den final. Pay-off final lo start wikènt benidero probablemente.
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
![](https://uploads-ssl.webflow.com/5d34a02fd1cb7f04ec361a56/649591629b1fcb0e0296a731_baluartenan%20Maria%20Windster%20i%20Dalilah%20Martina%20na%20ken%20e%20kampioanto%20ta%20dedika.jpg)
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
* * * * *
Nos a risibí e resultadonan di Liga 50 di wikènt. Catpower a gana Artemisia 7 pa 6. Artemisia a hera di gana nan promé partido di kampionato 2023. Ku e viktoria aki Catpower a logra nan di dos viktoria den 2023 i tur dos ta kontra Artemisia i naturalmente Artemisia no tin viktoria den e kampionato i nan rèkòrt ta di 0-15. Catpower tin 2-15. Mayoría ekipo falta 3 wega pa terminá kampionato regular 2023. Ekiponan Baranka, Ban Serio, Jaws i Marlins a klasifiká. Marlins tin rèkòrt di 10-5 i esnan ku ta sigi tin 8 pèrdí i nan mes mester enfrentá otro. Marlins falta Sluggers, Artemisia i Lions. Play-off lo start na komienso di òktober i e último weganan di buelta regular ta 30 di sèptèmber.
![](https://uploads-ssl.webflow.com/5d34a02fd1cb7f04ec361a56/64a992e4baf5ea96e9c7c31d_ramiro%20baoentina%20rab%20070723%20a%20(1)%20copy.jpg)
![](https://uploads-ssl.webflow.com/5d34a02fd1cb7f04ec361a56/64f903eb1c1e2f474169f162_369471806_4289269034632246_6759031601824307637_n.jpg)
![](https://uploads-ssl.webflow.com/5d34a02fd1cb7f04ec361a56/64a84e5a1573bd91f5372cc4_ramiro%20balentina%20rab%20070723%20b.jpg)
* * * * *
Den e otro weganan di djasabra den Liga 50 ekipo Ban Serio a bapuliá Flamboyan/Tigers 31-0. Ban Serio a usa un picher, Miro Daal ku a permití solamente un hit i Flamboyan a usa 4 picher. Ban Serio a dal 10 homerun, 3 di Jair Josepha i 3 di Kelvin Winklaar. Kelvin Winklaar a yega 9 homerun, Jair Josepha 7 homerun i Sherdon Rombley a bai 11 homerun i empatá ku Sedney Lourens di Baranka pa e liderato di homerun. Jaws a gana Marlins ku skor di 10-6 i Lions a dal Sluggers 8 pa 7. Nos ta ked ate aki.
![](https://uploads-ssl.webflow.com/5d34a02fd1cb7f04ec361a56/631c9608341fb52b8e7fbd19_bam%20bam%20tech%20general.jpg)
![](https://uploads-ssl.webflow.com/5d34a02fd1cb7f04ec361a56/64f904481c1e2f47416a5563_IMG-20230515-WA0069.jpg)
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)