Sint Michiel kampion Torneo Kenley Jansen RBC den kategoria Junior i Senior
WILLEMSTAD- Sint Michiel a bira kampion di Torneo Kenley Jansen RBC Royal Bank den kategoria Junior i Senior djadumingu 4 di yüli 2021 na Montab Ballpark. Un públiko grandi tabata presente pa wak e torneo ku a start den luna di febrüari 2021 i a terminá djadumingu último. Den Junior Sint Michiel a gana relativamente fásil ku skor di 10 pa 2, pero den Senior e wega tabata pèrtá i Sint Michel a gana ku skor di 6-5.
Djasabra den semi-final Sint Michiel Junior a gana Brievengat 5-2 i Sint Michiel Senior a gana van Engelen 11-5. Despues di weganan final tabatin entrega di premio kaminda District Administrator a representá RBC Royal Bank pa entrega premio na e kampionnan. Presidente di Liga Pabou a entregá trofeo na supkampion di Senior League ekipo Marchena, i skorer Viveca Hughes a entregá trofeo na Santa Maria supkampion Senior.
Sint Michiel 10, Santa Maria 2 (Junior)
Sint Michiel a dal 15 hit i hasi 2 eror. Furgentley Jamanika a gana i Curley Martha a bati di 4-3. Shendrion Martinus di 4-4.
Santa Maria a konektá 1 hit i kometé 1 eror. Juendjelo Paulo tabata e picher pèrdèdó. Gurshen Mogen a bati di 3-1.
Sint Michiel 6, Marchena 5 (Senior)
Sint Michiel a dal 7 hit i hasi 2 eror. Nathan Isenia a gana i Jurion Reina a salba e wega. Curley Martha a bati di 3-2.
Marchena a konektá 7 hit i hasi 2 eror. Ryjeterie Merite a resultá e picher pèrdèdó. Raydjen Rosina a bati di 3-2., Ryjeterie Merite di 4-2. Raydjen Rosina a konektá un homerun.
