Skèdjel di final di Beisbòl Dòbel A i mas informashon di Beisbòl i Sòftbòl
WILLEMSTAD- Wild Cats i Santa Maria lo hunga final di Beisbòl Dòbel A despues ku nan a gana nan serinan semi-final den 4 wega. Final ta start djamars 1 di novèmber den Tio Daou Ballpark. Tur wega di final lo tuma luga den Tio Daou Ballpark.
PROMOSHON FEBEKO
Hey, Heyy, Heyyy Curacao National Championship AA League Finals 2022 E gran rivalnan di último dekada ta bai bolbe topa otro den final pa wak ken ta bai ku e titulo di KAMPION! WildCats KJ74 Guardian Group vs Santa Maria Pirates Djòin nos na Tio Daou Ballpark i disfrutá di e tremendo partidonan aki ku chens pa abo komo fanatiko gana diferente premio! Lo bai tin 2 Bar, Kushina, @mimojitocuracao , Z’Queens Cocktails, Dj Decky I Hopi mas. Nos ta wardabo! #CNC #AA #beisbolsende
Play-off Liga 60 djadumingu awor na Frank Curiel Ballpark
WILLEMSTAD- Temporada regular di Liga 60 a terminá djadumingu 23 di òktober i play-off lo start djadumingu 30 di òktober. Ekiponan Nos Tambe Por, Jaws, Pitufos i Mon Repos Sluggers a klasifika pa play-off. Pa 12’or lo hunga Mon Repos Sluggers vs Pitufos i despues pa 2’or ta Jaws kontra Nos Tambe Por. Norwin ‘Sor Moesquit di ekipo Nos Tambe Por a bira kampion bate ku un average di .464 produkto di 13 hit den 28 turno. Lider di homerun tabata Elston Constancia di ekipo Pitufos ku 4 homerun. Kampion picher ta Wim Felicia (Nos Tambe Por) ku 7 ganá i 0 perdi.
Djadumingu 23 di òktober
Jaws 7, Curacao Superstars 0
Jaws tabatin 12 hit i nan a hunga sin eror. Higor Kirchner a gana. Ericson Liberia, Higor Kirchner i Simeon Currie, tur a bai di 1-1. Johannes Currie, Fransje Lambertina, Elvin Regina ku Andrew Does, tur a bai di 2-1. Marlon Römer i Rudsel Poulina, áִmbos di 2-2. Pa Curacao Superstars 1 hit ku 2 eror. Johan Klooster a pèrdè i e mes a bati di 1-1.
Los Amigos 4, Lions 0
Los Amigos a bati 8 hit i kometé 5 eror. Norman Provence tabata ganadó. Cedric Curiel a bai di 1-1. Gilbert Ijziek ku Arturo Franka, ámbos di 2-1. Howard Rojer ku Candido Adamus, ámbos a bai di 3-2. Pa Lions 3 hit ku 2 eror. Herbert Lucas, Danchelo Moesker i Elvis Jacobus, tur a bai di 2-1.
STANDING LIGA 60
te ku 23 di òktober
1. Nos Tambe Por 14 – 0;
2. Jaws 10 – 4;
3. Pitufos 9 – 4;
4. Mon Repos Sluggers 8 – 6;
5. Los Amigos 7 – 7;
6. Cur. Superstars 4 – 9;
7. Lions 2 – 12;
8. Nos Power 1 – 13.
Kampion Picher : Willem Felicia (Nos Tambe Por) 7 – 0;
Kampion Homerun: Elston Constancia (S.V. Pitufos) 4.
BATEO:
Norwin Moesqu it (Nos Tambe Por): .464;
James Jackson (Mon Repos Sluggers): .448;
Marlon Winklaar (Los Amigos): .424;
Renato Anasagasti (Nos Tambe Por): .421;
Rignald Hooi (S.V. Pitufos): .414.
Teksto pa pòtrèt:
Sor Moesquit, lider den bateo ku .464.
Wim Felicia number 1 den picheo ku 7 ganá i 0 pèrdí.
Elston Constancia lider di homerun ku 4.
Torneo Internashonal di Sòftbòl Femenino 35+ a start na Buena Vista Ballpark
WILLEMSTAD- Darason 26 di òktober e tradishonal torneo di Sòftbòl Femenino Veterano ta inisiá na Buena Vista Ballpark. Despues di pandemia e torneo tei bèk i e biaha aki organisá pa ekipo Nos Goso. E torneo ta dediká na Patsy Saturnino (QEPD). 9th Carribbean 35+ Women Softball Tournament ta nòmber di e torneo ku ta konta ku partisipashon di 8 ekipo. Treasure, Nos Goso , Mi Deseo, Rising Phoenix.
Ekiponan ku ta partisipá ta Treasure New Era, Splash Aruba Rising Trotters Phoenix, Upsettersz di Sint Maarten den Pul A. Nos Goso, Dutch Lions, Mi Deseo i Bonaire Angels den Pul B.
E promé wega ta entre Nos Goso i Mi Deseo awe nochi 7.30’or. Final lo tuma lugá djadumingu 30 di òktober na Buena Vista Ballpark.
INFORMASHON DI BEISBÒL I SÒFTBÒL
Fanátikonan Deporte Kòrsou, bondia. Nos ta yegando fin di òktober kargá ku play-off di Sòftbòl i Beisbòl aki na Kòrsou. Aya na USA, World Series ta bai start i sorpresa grandi ku ta Philadelphia Phillies ta den final (World Series). Mester bisa si ku Philadelphia a invertí formal pa yega kaminda nan ta. Philadelphia ta number 4 den pay-rol tras di grandinan manera New York Mets, Los Angeles Dodgers, New York Yankees. San Diego Padres ta number 5 i Houston Astros ta number 8. Ké mèn tòg ta ekiponan ku ta den e promé 10-nan a yega final.
* * * * *
Philadelphia Phillies no tabata faborito pa gana niun di e serinan di play-off. Kuminsando for di Wild Card kontra di Sint Louis, pa despues sigi kontra e fuerte ekipo Atlanta Braves ku a gana divishon ost di Liga Nashonal i segidamente Padres di San Diego. Philadelphia a terminá kampionato regular ku rekòrt di 87-75, 14 wega tras di Atlanta i New York Mets ku a keda empatá na promé lugá, pero Atlanta a bira number 1 debí ku nan a gana e seri di henter aña kontra di Mets. Ei nos ta mira ku ta play-off ta konta i ora di bèrdat bo mester hasi e trabou. Phillies tabata konsiderá un ekipo ku defensa malu, pero nan a logra machiká i yega World Series. E tim tabata di 28 den 30 tim pa loke ta trata defensa na komienso di temporada, pero a bira di 11 di e 30 timnan yegando final di temporada regular.
* * * * *
En todo kaso World Series ta start djabièrnè na Minute Maid Ballpark na Houston ku ta gran faborito pa terminá e seri den 6 wega. Ora analisá posishonnan den tereno, Houston ta gana Phillies den 7 di e 9 posishonnan. Ta solamente kècher i primera base e ekipo Phillies tin un bentaha segun analistanan. Otro asuntu straño e temporada aki ta, ku dos grandi ku a ninga kontraktnan grandi (Juan Soto i Aron Judge) no a resultá di loke a spera di nan i tin indikashon ku nan balor a baha un poko riba merkado. Juan Soto a ninga un kontrakt di 440 mion pa 15 aña serka Washington Nationals. Inkreíbel mes mes. Aron Judge a ninga 213.5 mion serka Yankees.
* * * * *
Ban pa Slowpitch i Beisbòl aki na Kòrsou. Torneo di Sòftbòl Femenino Veterano yamá ‘9th Carribbean 35+ Women Softball Tournament’ a start dia 26 di òktober na Buena Vista Ballpark. Nos tin e skèdjel. Ekiponan ku ta partisipá ta Treasure New Era, Splash Aruba Rising Trotters Phoenix, Upsettersz di Sint Maarten den Pul A. Nos Goso, Dutch Lions, Mi Deseo i Bonaire Angels den Pul B. Den e promé wega ta Nos Goso a gana Mi Deseo 13-4. Despues Treausre a gana Rising Phoenix 8-4. Final ta djadumingu 30 di òktober na Buena Vista Ballpark naturalmente.
* * * * *
Play-off Liga 50 ta sigi na Van Engelen Ballpark ku ekiponan Baranka i Flamboyan Tigers dilanti den e serinan. Baranka a gana Ban Serio 8-5 miéntras Flamboyan Tigers a dal Jaws 16-6. Tigers vs Jaws lo hunga pa 11’or i pa 1.30 pm tin Baranka kontra Ban Serio. Ta trata di seri semi-final mihó di 3 i e ganadónan lo pasa pa final. Djasabra e weganan ta kai pareu ku Beisbòl Veterano i vários hungadó lo mester skohe unda nan ta bai hunga. Beisbòl Veterano tambe tin play-off i pa 11’or lo ta Quality Stars ku a terminá number 2 kontra di Isla Crackers i 2’or lo ta Santa Maris Pirates number 1 kontra di Jandoret Raiders ku a kaba number 4.
* * * * *
Hopi moveshon mes mes e wikènt aki. Liga 60 tambe ta start ku play-off mesora na Frank Curiel Ballpark. Ekiponan ku a klasifiká ta Nos Tambe Por, Jaws, Pitufos i Mon Repos Sluggers. Pa 12’or pm ta Mon Repos Sluggers kontra di Pitufos i 2’or pm ta Nos Tambe Por kontra di Jaws. Nos a risibí sifranan final individual tambe. Norwin ‘Sor’ Moesquit a sali kampion bate di 60+ ku .464. Elston Constancia lider den homerun. Kampion picher tabata Wim Felicia ku 7-0.
