Lesadónan di Deporte Kòrsou Slowpitch. Nos tei ku e kolumna aki riba nos página di Facebook i wepsait DeporteKorsou.com, kargá ku informashon. Djasabra nos tabata na Van Engelen Ballpark i Vi Jansen Ballpark. Djadumingu nos tabata tei presente na Frank Curiel Ballpark. Bon públiko na tur e parkenan aki kaminda tin Sòftbòl Slowpitch i Beisbòl Veterano. Na Van Engelen e veteranonan di Liga 50 ta pendiente pa esnan di Liga Amstel djoin. Liga Amstel ta pendiente pa start djasabra 25 di yüli riba vèlt B di Van Engelen Ballpark. Liga Van Engelen lo start despues i nos ta pendiente pa e fecha.
* * * * *
Den Beisbòl Veterano Jandoret Raiders a gana di Santa Maria ku skor di 7-3. Jandoret Raiders a sali dilanti den promé inning komo ekipo di kas notando un kareda. Den bòm di e di dos inning, ekipo Santa Maria a bai dilanti riba hit di Skippy Sambo pa left ku dos out ku konteo di dos strike. Jandoret ta bai ariba den kabes di e di 3 inning notando 3 kareda i bai 4-2. Santa Maria ta yega serka riba un fielderschoice. Den nan último chèns Jandoret ta nota 3 kareda i hasi e wega 7-3. Orsendo tabatin dos inning tremendo di relevo pa e picher habridó ku tabata Earl Virginia.
* * * * *
Djasabra den Beisbòl Veterano ekipo Marchena Stars mester a lucha formal kontra e super ekipo di Signald Burnet ku ta The Brothers. Marchena Stars a gana The Brothers ku skor di 7-6. Ekipo Vosama a pasa fásil riba Azucar ganando ku skor di 7-2. Na Van Engelen Ballpark, ekipo Marlins a gana Lions ku skor di 5-1. Marlins a bai ariba 1-0 despues 2-0. Lions a trata na bini bèk, pero ta logra nota solamente un kareda pa keda kòrtiku. Den otro wega e ekipo Ban Serio a dal Artemisia duru 15-9. Artemisia a nota 6 kareda den nan último chèns. Tantu Artemisia komo Ban Serio a kometé 7 eror.
* * * * *
Jaws a dal Catpower fásil 9-1. Fernando ‘Paiza’ Rosario a tira wega kompletu pa Jaws pasa fásil riba Catpower. Catpower tabatin nan ekipo kompletu ku esepshon di Spin Lourens ku ta leshoná. Johnny Roos èks outfielder di ekipo Jaws a debutá den Jaws e aña aki i bati 2-0. Arnaldo Angila èks Marlins ku ta den Jaws a bati di 3-1. Gilford Schmidt tambe a debutá den Liga 50 ku Marlins den 2020. Gilford Schmidt ta èks hungadó klave di ekipo Dalpega tempu di Pursey Pereira i Nader Hammoud. Nos ta ON via facebook. Slowpitch i Beisbòl Veterano lo sigi normal den lunanan benidero tantu den kolumna komo den artikulonan i resultado.
* * * * *
Wikènt awor pa ta mas eksakto djadumingu, ta kandela ta bai tin na Vi Jansen Ballpark na momentu ku Jandoret Raiders topa ku Quality Stars. Jandoret Raiders a keda ku práktikamente mesun ekipo, miéntras Quality a haña hungadónan manera Rodney Michel, Dayron Puriel, Emile Haswell Jr., Rydell Isabella, Sendey Petronella i otronan. Ta spera un públiko grandísimo na Vi Jansen Ballpark pa mira e klèsh aki entre dos grandi pa loke ta trata temporada 2020 di Beisbòl Veterano. Nos tin algu di Liga di Nos Tur tambe ku a start. Ekipo Un Kara a sweep Join Me den fin di siman na Frank Curiel Ballpark. Un Kara di Pepi Martis i Gerald Mathilda a dal nan èks coach Papi Leuteria ku tabatin hopi aña den ekipo Un Kara. Nos ta keda te aki pa awe. Sigi subi bo facebook deportekorsou i pa mas detaye wepsait. www.deportekorsou.com
