Souax dilanti 2-0 den play-off final Klase A di Sòftbòl Femenino
WILLEMSTAD - E gran final di klase A a sigui ku e ekipo di Pichingolo A enfrentando e ekipo di Souax A, ku Souax ariba 1-0 den e bèst òf 5.
Souax a sali for di promé inning i pone e pouta di e wega anotando 2 kareda, despues 2 den di 2 inning, 5 den di 3 inning i finalmente 2 den di 4 pa totalisa 11 kareda, pa apoyá e gran trabou di J'Dah Girigorie ku a tira un no hit no rùn 11 pa 0 riba Pichingolo. Esaki ta pone nan lomba kontra muraya. Djadumingu Souax por bira kampion, òf Pichingolo por prolongá e serie bèst òf 5 aki.
Souax A : 11 kareda 7 hit 1 eror
Picher ganadó 'JDah Girigorie
Mihó bate : Ashanty Alexandre 2-2
Pichingolo A : 0 kareda 0 hit 3 eror
Picher pèrdèdó : Taynise Prince Jacobus
Mihó bate :
Sigiente wega :
Djadumingu 2’or pm ta Treasure vs Rising Trotters prome wega di promoshon i degradashon. Di dos wega ta 4/30 Pichingolo Nissan vs Souax Gill Sport.
Souax den final di Dòbel A tambe
Eva Voortman ta karga e ekipo di Souax hiba playoff final di Softbol MCB CSB 2022 ku un viktoria di 3 pa 1 riba The Fighting Team. Eva Voortman ta anota 2 di e 3 kareda, roba base i lansa un 1 hitter i 6 ponche pa ta e figura prinsipal den viktoria di Souax riba The Fighting Team. E wega aki a tuma lugá djaweps 20 di òktober 2022. Final lo start komienso di novèmber.
Souax : 3 kareda 4 hit 1 eror
Picher ganadó Eva Voortman
Mihó bate : Trishantely Alexandre 2-2, Ashanty Alexandre 3-2 i Eva Voortman 3-1
The Fighting Team : 1 kareda 2 hit 0 eror
Picher pèrdèdó : Libis Hurtado Payares
Mihó bate : Ashantely Giterson 2-1 i Lee-Ann Craanberg 3-1
