Souax Gill Sport ta gana Fenix ku skor di 3-1 den Sòftbòl Femenino Dòbel A
WILLEMSTAD - J’Dah Girigorie ta drenta di relevo den promé inning pèrdí 1 pa 0 i ta dominá Fenix Softex pa su ekipo Souax Gills Sport a gana Fenix ku skor di 3-1, asina kibrando e invikto di Fenix Softex. Souax a keda úniko invikto ku rekòrt di 5 ganá 0 pèrdí. Mihó na bate pa Souax ta Diante Gibbes ku 2-1 i tambe Ashanty Alexandre ku 2-1. Mihó na bate pa Fenix ta Loeyendra Valentijn, Jahaira Cornelis i tambe Joanni Benita. Nan tur 3 a bati di 2-1. Picher ganadó ta J’Dah Girigorie i picher pèrdèdó ta Leonella Elizabeth.
Souax Gill Sport ta gana Pichingolo Nissan ku skor di 5 pa 1.
Picher ganadó Dayanara Pieternella. Picher pèrdèdó Melanny Castro-Arias.
Mihó bate Kimberley Agard di 2-1 pa Souax i Liwenshela Williams di 1-1 pa Pichingolo.
Fighting Team a gana Sta. Rosa Angels ku skor di 9-6.
Mihó na bate pa Fighting Team ta Ruth-shainny Calmera ku a bai 4-2.
Mihó na bate pa Sta. Rosa Angels ta Marlies Janga ku a bai 3-2.
Picher ganadó ta Ruth-shainny Calmera i picher pèrdèdó ta Diane Rosa.
The Fighting Team ta imponé riba Vipers Elite ku skor di 8 pa 4. Picher ganadó a resultá Sueni Fundador i pèrdèdó a resultá Jacqueline Sophia.
Mihó bate pa The Fighting Team ta Lee-Ann Craanberg i Sharon-Rose a bai di 2-2 ku un homerun. Mihó bate pa Vipers ta Ismairy Ignacio ku a bai di 4-3.
Den Klase A
Dream Girls a laga Pichingolo den tereno ku skor di 9 pa 8. Picher ganadó a resultá D'Yshanique Camelia i pèrdèdó ta Arjenette Bernardus-Wernet. Mihó bate pa Dream Girls ta Shamiray Floranus ku a bai di 3-2 i pa Pichingolo, Stephmary Smith ku a bati di 1-1.
Souax ta gana Sta. Rosa ku skor di 4 pa 1. Picher ganadó tabata Kiara Domacassé Lourens i pèrdèdó a resultá Darlyse Salesia . Mihó bate pa Souax ta Stephanie Carolus ku a bai di 3-3. Pa Sta. Rosa Francheska Luciano a bai di 1-1.
Weganan ta sigi djaluna na Buena Vista Ballpark.
