Souax ta gana Pichingolo ku skor di 3 pa 2 den play-off final
WILLEMSTAD- Souax ku gran picheo di Mellizienne Haynes i relevo asertá di J’dah Girigorie ta gana Pichingolo ku skor di 3-2 djaluna anochi den Sam Bunting Ballparl dilanti un publiko grandi. Mellizienne Haynes a tira 6 inning i dos tersio pa bai ku e viktoria i J’Dah Girigorie a drenta ku un out ku dos na base den di 7 inning i poncha e dos batiadónan ku ela enfrentá.
Pichingolo tabatin dos koreda na base ku un out den di 7 inning ku chèns di laga Souax den tereno i bira kampion, pero e hóben J’Dah Girigorie a poncha e dos sigiente batiadónan. Souax a bai ariba 2-0 den promé inning riba doblete di Ashanty Alexandre i hit di Kimberly Agard.
Pichingolo ta nota un kareda riba doblete di Stephany Passial den di 4 inning. Pichingolo ta empatá e wega na dos den bòm di di 5 riba homerun di Julise Koffy pa left. Riba eror di centerfield di Pichingolo, Souax Gill Sport ta bai ariba 3-2 den di 7 inning i Pichingolo no ta logra nota kareda den bòm di di 7 inning pa e partido terminá 3-2. E sigiente wega ta djarason 24 di novèmber.
NUMERITONAN
Souax a nota 3 kareda, dal 6 hit i hunga sin kometé eror. Mellizienne Haynes tabata e picher ganadó. Ashanty Alexandre Kimberly Argard a bati di 3-2.
Pichingolo a skor na 2 okashon, bati 7 hit i hasi 1 eror. Julise Koffy tabata e picher pèrdèdó i e mes a bati di 4-2 ku un homerun.
