Stakamahachi ta pasa pa final den vòlibòl femenino superior
E play-off semi final di vòlibòl a kontinua djadumingu den den Sala Errol Rooi dilanti un bon públiko ku dos partido. Den kategoria Femenino superior, Stakamahachi a kaba ku e aspirashon nan di Watakeli i Staka a pasa pa final ganando Watakeli den straight sèt 25-14,25-16 i 26-24. Den e último sèt Watakeli a lucha fuerte pa keda na bida pero Staka ta gana e sèt final aki pèrtá pèrtá 26-24 pa pasa pa e gran final kaminda Shuatanari ta wardando riba nan.
Den e sekshon Maskulino, XAVERIANEN ta kita Warwaru foi man den tres sèt pa asina gana e seri i pasa pa final kaminda nan tin ku topa Watakeli. ( 25-21,20-25,25-15 i 25-21) tabata e parsial nan ku XAVERIANEN a derota Warwaru. E kontrinkante di XAVERIANEN den final lo ta Watakeli. E seri final ta start diarason awor ku un solo wega ora ku Stakamahachi Guardian group enfrenta Shuatanari Lab de Med. E wega aki lo wordu hunga riba kancha sentral pa 20.00 den Sala Errol Rooi. E final di Vòlibòl tei bira Kayente !
