Stakamahakchi i Watakeli ta gana den final di vòlibòl
WILLEMSTAD - E play-off final di vòlibòl a kontinuá ayera den Sala Errol Rooi ku e sigiente resultado. Shuatanari ku tabata ariba den e seri a presentá determiná pa bai ku e titulo pero Stakamahakchi a presentá ku e meta pa alargá e seri i fòrsa un wega desisivo i Staka a logra esaki ganando di su eterno rival 3-2 ku parsial nan 25-16,25-22,19-25,34-36 i 15-12. E skor nan ta papia pa nan mes. E públiko ku ta tei na granel a gosa di e espetakulo aki. Shuatanari mester warda e shampañanan un siman mas den vrizer.
![](https://uploads-ssl.webflow.com/5d34a02fd1cb7f04ec361a56/5f313b4d064e01cd843a8e89_staka%20den%20reunion%20real%20web.jpg)
E seri aki ta kontinuá diadumingu awor . Den e di dos wega di ayera , Watakeli mester a soda hopi promé ku nan a logra di gana XAVERIANEN 3-1. Parsial nan 24-26,25-21,25-23 i 25-19. E seri aki ta keda interesante paso tur kos por pasa ahinda ya ku tur e dos ekipo nan aki ta bon balansà. E seri aki tambe ta kontinuá diadumingu awor pa 19.00 kaminda desishon tei kai. Awe klase A ta reanudá despues di e Covid break i e wega nan ta start 20.00 den Sala Errol Rooi ora ku Watakeli enfrentá XAVERIANEN den klase Femenino i den klase Maskulino Watakeli B lo enfrenta Shuatanari . Mas lat Titus i Xaverianen lo sera e hornada di awe. Vòli ta sigi Kayente !
•
![](https://uploads-ssl.webflow.com/5d34a02fd1cb7f04ec361a56/5f313b5a385a5b61efec49bc_shuatanari%20para%20web.jpg)
![](https://uploads-ssl.webflow.com/5d34a02fd1cb7f04ec361a56/5effe0facfab3c63edbb3150_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/5f24035eac248fa6fe1c34c1_Stanley%20Palm%20aviso%20real%20300720%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/5f2039ce113db554e5c07af4_montana%20auto%20parts%20web%20pa%20aviso.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)