Standing i resultado di Beisbòl Veterano
WILLEMSTAD- Bulldogs a nòkout ekipo Otrabanda 16-1, Vosama a gana Azucar pèrtá den kontinuashon di Beisbòl Veterano djasabra na Vi Jansen Ballpark. Djadumingu no tabatin wega di Beisbòl Veterano 40 + programa. Tabatin dos wega di Beisbòl Veterano 50+ ku a keda suspendé pa motibu di awaseru. Wikènt benidero tin wega kandela, kaminda e 6 grandinan di Beisbòl Veterano lo topa otro, kaminda ekiponan menshona ta luchando pa terminá den e promé 3nan pa bai semi-final dirèkt.
STANDING
Isla 11-0, Jandoret 9-1, Santa Maria 7-2, Quality 7-3, Bulldogs 7-4, Santa Rosa 6-3, Marchena 4-6, Azucar 4-8, The Brothers 3-7, Vosama 2-7, Malrins 2-8, Otrabanda 2-8, Yesterday 1-8.
RESULTADONAN
Bulldogs 16, Veteranos Otrabanda 1
Bulldogs a dal 15 hit i nan a kometé 1 eror. Lester Victoria a bai ku e viktoria. Djuric Pietersz a bai di 3-3 i Victor Caldera di 4-3. Reugene Martis di 3-2, Damery Meyer ku Signald Paz a bai di 4-2. Dwight Alexander i ku Raillison Isenia, ámbos a bai di 2-1. Veteranos Otrabanda tabatin 1 hit ku 4 eror. Gilbert Bernadina a karga ku e derota. Lindsie Maccow a bati di 2-1.
Vosama 4, Azucar 2
Vosama tabatin 9 hit i nan a hunga sin eror. Xaviero Avastia a gana. Harley Dave Paulo a bai di 3-2. Luis Offredy ku Xaviero Avastia, ámbos a bai di 2-1. Remick Bernadina a bati di 1-1. 4 hungadó a bati di 3-1.
Azucar a dal 3 hit i hasi 4 eror. Royston Privania a pèrdè. Thurney Cafsia a bai di 2-1 i Cedric Curiel di 1-1.
Sta Rosa Memories a gana Yesterday pa defolt 7-0.
