Suffisant Eagles ta gana Dream Team 11-10 i pika dilanti den final Sòftbòl Maskulino Faspitch

WILLEMSTAD- E hungadó Jegveny Hendrik a dal dos homerun, empugá 4 kareda pa Suffisant Eagles gana e promé wega di final di Sòftbòl Maskulino Faspitch. Suffisant Eagles a pika dilanti 1-0 den e seri mihó di 5 ganando Dream Team 11-10 ayeranochi den Buena Vista Ballpark. Tabatin 8 homerun den e wega di djabièrnè anochi. Ekipo Suffisant Eagles a konektá 5 homerun i Dream Team 3 homerun. Un wega emoshonante i bon bringá tur dos banda. Dream Team pèrdí 11-8 a nota 2 kareda den nan último chèns pero keda nèt kòrtiku. Wega number dos di e seri ta awenochi 7.30 na Buena Vista.

Alexander Rodrguez, picher ganadó pa Suffisant Eagles
Dream Teaml ta selebra despues ku nan a nota kareda.
Dream Team a kai vensí den e promé wega di e final

.NUMERITONAN
Suffisant a nota 11 kareda, dal 12 hit i hasi 5 eror. Alexander Rodriguez a gana i Jegvenny Hendrik a bati di 4-3, Jurguengelo Thielman di 4-3, Aldair Daal di 2-2, Sherwenne  Antersijn di 1-1. Thielman, Antersijn, Daal a dal un homerun. Hendrik a dal dos homerun. Julius Veeris a tira 0.2 inning sin tuma kareda.
Dream Team a skor 10 kareda, bati 5 hit i kometé 2 eror. Fransel Meyers (2.0 inning) tabata e picher pèrdèdó i ela relevá Wendley Serberie (4.0 ining)  Argenis Daal a bati di 4-2. Argenis Daal, Raysheron Michel i Rochendrik Alexander a dal un homerun.

Wendly 'Pancho' Serberie, picher habridó pa Dream Team.
Yurendell De Caster den akshon na tersera pa Suffisant Eagles djabièrnè anochi.
Kabuya Ustasia ta trata na kue tiru pa segunda, umpire Darsy Martinus ta opservá pa kanta safe despues.

‍