SUGAR BOYZ NO MESTER TA UN OBSTAKULO PA NOS YEGA ‘KOPA DIORO’
E promé weganan preliminar
WILLEMSTAD - Awe nos tin komentario di Pepi Sulvaran riba selekshon di Futbòl di Sint Kitts i di Kòrsou pendiente di e wega di djabièrnè awor. Diabierne 16 di yüni den stadion DRV PNK na FortLauderdale nos promé kontrinkante den e buelta preliminar pa por klasifiká pa‘Kopa Di Oro’ ta St. Kitts ku Nevis. E selekshon ku ta derivá su nòmber dikariño for di nan historia komo isla kultivadó di kaña pa saka suku, ta na puesto139 riba ranking di FIFA, kompará ku Kòrsou ku ta posishona na puesto 88. Sinos logra pasa e barera aki, día 20 di yüni 2023 den mes un senario nos lomester enfrentá e ganadó di e wega di Guiana Franses ku Sint Maarten Ulandes.Si nos sali di porta grandi ei tambe, nos lo topa den nos promé wega di e bueltafinal, otro ekipo di isla Ingles,‘Soca Warriors’ di Trinidad na lugá di Nicaragua,ku a wordu bula for di e torneo, pa husa hungadó ilegal.
Un futbol fisiko
Riba papel St. Kitts ta mustra komodo pa ‘Pantera Negra’,pero kòrda si ku e selekshon aki bou di Bicentini a pèrdè basta resien kuIndonesia, ku ta na puesto 149, esta, mas abow ku St. Kitts, no un pero dos be.Mester bisa si ku e selekshon aki na Merka ta mas fuerte ku esun ku a baiIndonesia. Komo isla Ingles den Karibe nan tambe ta hunga un futbòl hopifisiko, pasobra di naturalesa nan tin bon físika. Komo eks kolonia Ingles, unfutbòl di lucha i esfuerso físiko, pero di ménos téknika. Nan wega ta mas basariba entusiasmo ku habilidat.
Romaine Sawyers
E homber di 1 mion euro ku tur kos ta drai rondo di djeta Romaine Sawyers, nase na Inglatera for di grandinan ku ta oriundo di e isla.Aktualmente e ta aktivo den Cardiff City den Championship Ingles, ekipo den kuaLeandro Bacuna tambe a yega di milita. Un hábil bolante rondo di kual hinternan wega ta organisá. E la forma parti di diferente organisashon respetá denfutbol Ingles, manera entre otro West Bromwich Albion, Brentford i Stoke Citykaminda Cuco tambe a hunga.
E por hunga tantu komo bolante ofensivo, armado diwega of bolante sentral. Su puesto faborito den e selekshon aki ta riba 10. Eta mustra floho pero ta kubri basta tereno. E ta dikta nan wega mei mei ditereno, tin un bon pase den su pia i mayoria be ta kuminsá e atakenan. Si nospor eliminé, mitar trabou ta hasi. Di bèrdat sobra ta di nivel mediokre. E únikootro hungadónan ku ta bal la pena menshona ta Tyrese Shade (Swindon Town),alero riba di kuater nivel profeshonal na Inglatera, lanta den Leceister City iHarrison Panayiotou (Aldershot Town) nan maksmo goliadó di selekshon, tambelanta den Leicester City pero sin alkansa e prome ekipo.
Dos delantero?
Mi ta kere ku aki nos por hunga trankil ku por lo ménosdos delantero. Tantu Rangelo Janga komo Jürgen Locadia tin e físika i eestatura pa kontra arestá e defensa di e ekipo aki, ku no ta di e nivel mashaltu. Asina nan por probecha di kustumbrá huntu tambe. Paso ta difísil pamanda Locadia banki, apesar ku Janga ta delantero di konfiansa di Bicentini ita bin di un bon aña. Nan dos den delantero mester por, hasta si esei ke men kumester bandona e alineashon tradishonal di un sentro delantero. St. Kitts nunkano a yega ‘Gold Cup’. Nan a sali na promé lugá den grupo B di Liga C den ligadi Nashon i a promové pa Liga B den e próksimo edishon.
Entre otro nan a ganaAruba dos be. Si nos no balotá nan, nos mester por pasa riba nan. Eliminando eselebre Sawyers i evitando karchi, ya ta mitar trabou den e promé paso pa erondanan final di e torneo. Además lo ta bon pa purba un sistema nobo ku dosdelantero, pero esei ta na Bicentini pa disidí. Kontra e ekipo aki nos porhunga trankil ku 4 defensa. Den bolante Remko tin di saka su sòm, paso awor kuGorré, Antonisse, Severina, Margaritha i Thomas niun no tey, ta dos alero dinivel so a sobra. Kuwas ku Kastaneer, kende tambe por hunga den punta di atake,pero ey tin dos bon kaba, Janga i Locadia.
‘Nos ta 12’ ta den mal suku
Un nota kritiko na final. Facebookdi FFK ta morto. Mayoria partisipante nae torneo su Facebook ta bibu bibu. ‘Nos ta 12’ so ta den mal suku. No por. Tanos tur ta sostené nos selekshon grandemente ora nos ta hunga na kas, moralmentei finansieramente, no por laga nos inkomunikado asinaki. E moveshon pa laga ePR David Heykoop na kas ta afektando e fanatikada i ta fayo grandi. Mester abaha ken ku ta otro foi avión.
