Swift kampion Liga van Engelen
WILLEMSTAD – Swift a dal Navegantes den dos wega stret i fásil pa bira kampion Liga van Engelen djadumingu 14 di novèmber na Van Engelen Ballpark. Swift a gana e promé wega 16-0 ku picheo di Velarde i den wega number 2 Anjony Medina a picha pa Swift bira kampion.
WEGA 1
Swift 16, Navegantes 0
Swift a dal 11 hit i nan a hunga sin eror. Emilio Velarde Lugo tabata ganadó i Jegveni Hendrik a bai di 2-2, Michelangelo Trinidad di 1-1. Reyhan Fecunda ku Raydell Isabella, ámbos a bai di 3-2, Randolph Kirindongo, Rodney Michel ku Dicson Acosta, tur a bai di 2-1. Julio Cesar Del Rosario a bati di 3-1. Reyhan Fecunda a konektá 1 homerun. Pa Navegantes 4 hit ku 2 eror. Juruengelo Tielman a resultá pèrdèdó i e mes a bai di 2-2. Gerson Adamus ku Eldrion Regina a bai di 2-1 ámbos.
WEGA 2
Swift 15, Navegantes 0
Swift tabatin 19 hit i nan a kometé 1 eror. Anjony Medina a bai ku e viktoria. Nurison Leonora bai di 3-3. Reyhan Fecunda ku Randolph Kirindongo, ámbos a bai di 2-2. Rodney Michel ku Dicson Acosta a bai di 4-3 ámbos. Jegveni Hendrik ku Raydell Isabella, tur 2 a bai di 3-2. Jonathan Martijn di 2-1 i Dimitri Leon di 3-1. Reyhan Fecunda, Randolph Kirindongo, Dicson Acosta ku Jonathan Martijn, tur a konektá 1 homerun. Navegantes a dal 2 hit i hasi 1 eror. Railison Gijsbertha a karga ku e derota. Denisson Wawoe a bai di 1-1 i Gerson Adamus di 2-1.
