Swift ta bolbe gana di Liga 40 di Sòftbòl
WILLEMSTAD- Swift a dal dos grandi sigi i tin rekòrt di 2 ganá i 0 pèrdí den Sòftbòl Liga 40 ku ta hunga tur djaweps na Van Engelen Ballpark. Djaweps dia 22 di yüli Swift a dal e supkampion Baranka ku skor di 9 pa 2. Djaweps 15 di yüli, Swift a nòkout a kampionnan Crazy Tigers 14-3. E velos picher Emilio Velarde a picha i gana e dos weganan i tin rekòrt di 2-0 ku un ERA di 3.50. Den e otro wega djaweps último Crazy Tigers a dal Gamers 10 pa 4. Weganan di Liga 40 ta tuma lugá solamente riba djaweps na Van Engelen Ballpark. No tin wega programá riba djamars manera e añanan anterior. Liga 40 ta sigi djaweps 29 di yüli ku dos wega. Pa 7.30 Jaws ta topa ku Swift i despues ta sigi Crazy Tigers vs Baranka.
Swift 9, Baranka 2
Swift a konektá 12 hit i hasi 1 eror. Emilio Velarde Lugo tabata e picher ganadó i e mes a bati di 1-1. Omar Molina i Ian Ignacio a bati di 3-2. Rydell Isabella a konektá un homerun.
Baranka a konektá 5 hit i hasi 3 eror. Gilbert Henrietta tabata e picher pèrdèdó.Wilfred Reinita a bati di 2-2. Ericson Martina ‘back in town’ a bati di 2-1.
Standing : Swift 2-0, Crazy Tigers 1-1, Gamers 1-1, Baranka 0-1, Jaws 0-1,
Crazy Tigers 10, Gamers 4
Crazy Tigers a dal 11 hit i hasi 2 eror. Jose Obispa tabata e picher ganadó i e mes a bati di 2-2. Dave Janga, Rolin Eustatius, Fhurgion Booy di 3-2. Stanford Landburg a dal un homerun.
Gamers a konektá 6 hit i hasi 4 eror. Rudney Garmers tabata e picher pèrdèdó, Byron Kook a bati di 2-2.
Jaws ta bolbe gana Nos Tambe Por
WILLEMSTAD- Jaws a bolbe gana Nos Tambe Por e siman aki den kontinuashon di Liga 60. Jaws ku ta bèk den forma, ta úniko ekipo invikto den e kampionato di Liga 60. E wega tabata empatá na 4 te den último inning i Jaws ta laga Nos Tambe Por den tereno riba hit den Francis Petronilia. E wega a terminá ku skor ku 5 pa 4. Den e otro weganan Sluggers a gana Lions 2-1, Amigos a dal Nos Power 9-4. Standing Jaws 3-0, Amigos 2-1, Nos Tambe Por 2-1, Lions 1-1, Sluggers 1-1, Nos Power 0-3, Curacao Super Stars 0-2.
