The Brothers ta gana Azucar 15-14 den Beisbòl Veterano
WILLEMSTAD- The Brothers di Signald Burnet a gana Azucar ku skor di 15-14 djadumingu den Beisbòl Veterano na Vi Jansen Ballpark. Den otro wega Quality Stars ta pasa fásil riba Marlins ganando 13-2. Quality Stars a dal 4 homerun, Merieldo Trinidad a konektá 2 homerun, Vernon de Lanoi i Rodney Michel a bati un homerun. Jandoret a nòkout Otrabanda 15-2 i e wega entre Isla Crackers i Marchena a keda empatá na 10 kareda despues di 4 inning debi na skuridat.
Djasabra 22 di ougùstùs
Santa Maria Pirates 10, Vosama 0
Santa Maria a dal 7 hit i nan a hunga sin eror. Irving Sambo a gana. Roderick Zimmerman a bai di 3-2. Ramiro Balentina ku Roderick Zimmerman, ámbos a konektá 1 homerun. Pa Vosama 3 hit ku 4 eror. Felix Ibañez a pèrdè. Reumert Monte a bai di 1-1.
Santa Rosa Memories 15, Yesterday 1
Santa Rosa a konektá 16 hit i nan a hunga sin eror. Raymond Martis tabata picher ganadó. Egbert Polonius a bai di 3-3. Egbert Polonius a konektá 1 homerun. Yesterday a dal 4 hit i nan a hasi 4 eror. Carl Jurrjens a resultá pèrdèdó. Wesley Evertsz a bati di 2-1.
Jandoret Raiders 15, Veteranos Otrabanda 2
Jandoret Raiders tabatin 11 hit ku 1 eror. Deron Clara a gana. Erling Gosepa a bai di 2-2 i Michelangelo Cijntje di 1-1. Pa Veteranos Otrabanda 3 hit ku 7 eror. Edison Clemencia a pèrdè. Juan Trinidad a bai di
1-1.
Djadumingu 23 di augùstùs
Quality Stars 13, Marlins 2
Quality tabatin 14 hit ku 1 eror. Randolph Mercera a bai ku e viktoria. Rodney Michel ku Merieldo Trinidad, ámbos a bai di 3-3. Rodney Michel a konektá 1 homerun, Vernon De Lanooi 1 i Merieldo Trinidad a konektá 2 homerun. Pa Marlins 4 hit ku 1 eror. Ramon Cabrera a karga ku e derota. Freddy Castillo a bai di 1-1.
The Brothers 15, Azucar 14
The Brothers a bati 6 hit i nan a kometé 4 eror. Aishel Hooi a gana. Sherton Saturnino a bai di 1-1. Azucar tabatin 9 hit ku 7 eror. Cedric Curiel a pèrdè. Elfried Salcedo ku Kenneth Mauricio a bai di 1-1.
Marchena Stars vs Isla Crackers a keda empatá ku 10 kareda na banda. Den di 5 inning ku 2 out i base yen e wega ta wòrdu suspendé pa motibu di skuridat.
