The New Revolution ta felisitá su atletanan
WILLEMSTAD- Deporte Kòrsou a risibi un komunikado kaminda ekipo di Atletismo The New Revolution ta felisitá su atletanan. “Pa medio di e komunikado aki nos di direktiva di The New Revolution kier felisitá nos atleta nan, entrenadó nan i mayor nan pa e tremendo aña ku nos tabata tin durante 2021.
No opstante ku nos ta den un situashon difísil nos a sa di prepará nos mes fuerte pa logra un total di 64 medaya di oro, 51 medaya di plata i 40 medaya di bròns individual. Nos a sòru pa pone 5 rekòrt nobo den atletismo di Kòrsou. Tiramentu di Bala mucha muhé U15, 60 meter ku opstakulo mucha muhé U15, Ganadó apsoluto di e 7 disiplina nan di U15 mucha muhé, Bula Lew U11 mucha muhé i por último 60 meter plano mucha muhé U11. Tambe nos kier a rekordá tur nos atleta nan ku nos training nan lo kuminsa djaluna 16 di ougùstùs pa 17:30 na Stadion di Suffisant.
