Thrillers kampion Liga Amstel 2022 i mas informashon di Sòftbòl i Beisbòl
WILLEMSTAD- Ekipo Thrillers ta gana di e ekipo di Cicoza 21-6 i den e di dos partido entre Thrillers i Cicoza e ekipo di Thrillers ta bolbe gana e ekipo di Cicoza ku skor aplastante di 26-6. Asina aki e ekipo di Thrillers ta sweep e seri i bira kampion di Liga Amstel 2022.
DIREKTIVA NOBO
Liga Amstel ku su direktiva nobo enkabesa pa Robertico Ramazan komo presidente ta kla pa ranka sali dia 26 ougùstùs 2023. Liga Amstel lo konta ku 7 ekipo, kual lo hunga 1 buelta di un kontra tur i e ekipo ku sali number 1 den e 7 ekiponan lo pasa dirèkt pa play-off. Lo traha 2 pul kaminda 2, 4 i 6 lo ta pul A i 3, 5 i 7 lo ta pul B. E ta bai segun e standing di e ekiponan despues di e promé buelta. Lo saka e 3 ekiponan ku mester klasifiká ku lo join e number 1 ku a klasifiká den e buelta di un kontra tur pa forma e 4 ekiponan. Nos lo hunga un play-off di best of 3 kual 1 vs 4 i 2 vs 3. E ganadónan di e seri lo hunga final di best of three.
Quality Stars ta terminá promé buelta invikto den Beisbòl Veterano
WILLEMSTAD- Quality Stars a gana Isla Crackers ku skor di 6 pa 5 i terminá promé buelta invikto den Beisbòl Veterano. Den otro wega Santa Maria a gana The Brothers fásil 9-1. Santa Rosa a dal Jandoret 14-1. Di dos buelta ta start djasabra awor na Vi Jansen Ballpark. Weganan di Liga 50 ta sigi 9’or di mainta.
RESULTADONAN:
Djasabra 19 di ougustus
Otrabanda 11, Marchena 7;
Santa Rosa 6, Yesterday 3;
Isla Crackers 8 ,The Brothers 7;
The Brothers tabata gana henter wega, isla a nota 4 kareda den nan último chèns.
Djasabra 12 di ougùstùs
Santa Rosa 15, Jandoret 1;
Quality Stars 6, Isla 5;
Marlins 7, Marchena 2.
Djadumingu 13 di ougùstùs:
Santa Maria Pirates 9, The Brothers 1;
Veterano Otrabanda 9, Azucar 6;
Yesterday 12, Vosama 3
Jandoret 7, Sigi Hunga 2 (Liga 50)
MAS INFORMASHON DI SÒFTBÒL I BEISBÒL
Fanátikonan di Deporte Korsou bon dia i bon siman. Selekshon di Little League Liga Pabou a logra nan promé viktoria den Mundial na Williamsport den un wega pèrtá i kayente kontra di Australia. E wega a terminá ku skor di 2-1 ku tremendo relevo di Jay-Dlyn Wiel ku a tira dos inning kompletu i poncha 6 batiadó i duna solamente un hit. Un wega realmente kayente kaminda Kòrsou no a logra anotá kareda ku koredónan den posishon di nota den e promé inning. Den di dos inning a notan un kareda riba Wild Pitch i e otro kareda a nota riba un infield hit ku e segunda pase di Australia a pèrdé den solo.
* * * * *
Australia a bende nan kuero karu i tin un tremendo ekipo ku ta dal e bala bon, filea bon i tin tremendo picheo tantu di nan habridó komo di e relevista ku a tira bon. Kòrsou a dal 5 hit i hasi 1 eror. Picher ganadó tabata Jay-Dlyn Wiel i e mes a bati di 2-1. Javery Felicia a bati di 2-2. Australia a bati 4 hit i hasi 1 eror. Tur dos ekipo a haña 12 ponche den e wega menshoná. E siguiente wega di Kòrsou lo ta djaluna 21 di ougùstùs kontra e ganadó di Latino America (Venzuela) . Ganadó di e wega ei ta semi-final internashonal dia 23 di ougùstùs.
* * * * *
Djabièrnè, 18 di ougùstùs tabatin apertura di Didi Deeds Ballpark Kaya Wama na Terra Corra. Ekiponan a desfilá i drenta e parke riba ritmo di Brassband NGM. A sigi palabra di Bon Bini di MC. Himno a keda kantá den gran forma pa e prospekto kantante Nedio Sluis. Tabatin palabra di sra. Sherita Stroop, presidente di Didi Deeds Foundation. Sra. Sheritsa Stroop ta mama di Didi i Johnn Gregorus. Minister di VVRP sr. Charles Cooper, Minister di OWCS Sithree van Heydoorn i Promé Minister a hiba palabra dilanti un públiko grandisimo i despues lo tabatin sake di promé bala. Johnny Gregorius a picha, promé minister Gilmar Pisas a bati, Minister van Heydoorn a kècha I Sheritsa Stroop tabata umpire. A sigi dos wega, pa 7.30 ta Trai Seru vs Santa Rosa den Minor I despues tabata Montab kontra di Sint Jacobs.
%20copy.jpg)
* * * * *
Siman pasá Liga 40 di Sòftbòl a start ku dos wega. Den e promé wega Baranka a dal Jaws 15 pa 3 i despues Swift a gana Cicoza 11-5. Ayera mester tabatin wega di Liga 40 atrobe na Van Engelen Ballpark den oranan di anochi. Di dos buelta di Beisbòl Veterano ta start djasabra 19 di ougùstùs na Vi Jansen Ballpark. Promé buelta a terminá lo sigiente: Quality Stars 11-0, Santa Maria 9-2, Isla Crackers 9-2, Santa Rosa 8-3, Jandoret 7-4, The Brothers 5-6, Yesterday 5-6, Azucar 4-7, Marlins 3-8, Vosama 3-8, Otrabanda 2-9 i Marchena 0-11. Weganan e wikènt aki ta djasabra 19 di ougùstùs 10.30 Otrabanda – Marchena Stars, 13.00 Yesterday – Santa Rosa Memories, 15.30 The Brothers – Isla Crackers. Djadumingu 20 di ougùstùs 10.30 Azucar – Quality Stars, 13.00 Santa Maria – Jandoret i 15.30 Vosama – Marlins. Den Liga 50 lo tin un wega djadumingu 20 di ougùstùs entre Otrabanda i Yesterday.
* * * * *.
Ban pa Sòftbòl Slowpitch un ratu. Ekipo Thrillers a gana Cicoza den dos wega stret pa bira kampion Liga Amstel 2022. E kampionato di 2022 a terminá den 2023, esta djasabra 12 di ougؙùstùs. Entrega di premio lo tuma lugá despues. E promé wega a terminá ku skor di 21 – 6 i wega number 2 a kaba 26-6. Thrillers tabatin hungadónan di Dòbel A manera Riordan Windster, Argenis Daal, Aldair Daal, Calten Daal, Rochendrick Alexander, Juruengelo Thielman, Ericson Senior, Ruwel Matrona, Nurison Leonora i Jermain Esprit. Cicoza tabatin Sherwenne Antersijn, Edinho Meyer, Andley Simmons, Remickson Bernadina, Jurnick Floranus, Rainer i Ryson Polonius, Rupert Esutatia, Myson Cathalina ets.
* * * * *
No tabatin entrega di premio, debí ku e direktiva ku a atendé ku e kampionato 2022 a baha i ta pendiente pa e direktiva nobo ku mester wòrdu nombrá ainda pa bin parti e premionan. Ke mèn Thrillers kampion i Cicoza supkampion. Na di 3 lugá a sali Gamers i Sugar a terminá number 4. Miéntras tantu no tin fecha pa kuminsá kampionato di 2023 i Liga van Engelen a start dos siman pasá. Liga 50 ta sigi ku algun wega kandela, entre otro Marlins vs Baranka 12’or. Ban Serio ku a kaba di pèrdè kontra Baranka lo topa ku Pitufos ku por sorprendé. E wega ei ta 4’or, e otro weganan ta Catpower vs Sluggers pa 10’or i Flamboyan kontra di Artemisia 2’or.
* * * * *
Marlins tabatin un fiesta stail di come-back ku Fuersa Dos i Classic XD ku a dal feros djadumingu último na Hoffie Pietersz. Hopi ta hungadónan di ekiponan di 50+ ku tabata presente. Un éksito rotundo i masha tempu un ekipo no a organisá un fiesta kandela asina ei. Marlins ta na di 3 lugá ku rekòrt di 9-3 i Jaws ta pega ei ku 10-4. Ta parse ku e ekiponan ku lo klasifiká pa play-off ta Baranka, Ban Serio, Marlins i Jaws. Baranka i Ban Serio lo topa e dos últimonan den play-off semi-final.Tene kuenta djadumingu 20 di ougùstùs ta play-off wild card entre Santa Maria I Mardhena I despues play-off ta sigi. Nos ta keda te aki.'
