Sòftbòl i Beisbòl - Torneo Hope ta sigi na Van Engelen Ballpark i djadumingu ta entiero di umpire Eligio Acosta

Torneo Hope ta sigi na Van Engelen Ballpark i djadumingu ta entiero di umpire Eligio Acosta

WILLEMSTAD – Awe, djasabra 22 di aprel Torneo Hope ta sigi na Van Engelen Ballpark. Djasabra weganan ta sigi na e parke menshoná. Den oranan di mainta CRU a gana di MCB 40+ ku skor di 11-5. Djadumingu no tin wega debí na Marcha di Seu di Banda Abou. Awe nos tin resultadonan di weganan di siman pasá.

Resultadonan Torneo Hope siman 4

Djabièrnè 14 di aprel
Suvek Ballpark Vèlt A
FDDK Eddie Rijschool 5, SVB/Hucor Hol/Around The Clock 2(SMPD);
ADC/Brandweer 6, Kooyman/ Adv. Hosp/Flores Hotel 5 (SFA);
KPC 1/Securitas/Pol./Garage Cordia 11 – Kooyman/Hise Buta Construction 1 (SMPA).

Algun fanátiko djasabra na Van Engelen Ballpark durante Torneo Hope.

Djasabra 15 di aprel
Suvek Ballpark Vèlt A
ORCO Bank/SSC/Garage.. 11, Centrale Bank 0 (Coed D);
MCB 10, KPC Veterano 40+ 2 (SM 40+);
Aqualectra/CIS 11, Global Paint/Bofrei Agencies 0 (SMPD);
MCB 6, Curoil 5 (SMD);
MCB 5, ADC 4 (Coed A);
SBAB 7, Onderwijs/XACS 4 (SFB);
SGR-Group/Orion B. Gen. Constr. 11, Corendon/Licores Maduro 9 (Coed B);
EWT/Mc.Donalds/Centrum 12, Guardian Group Fatum/ JE JE 2 (Coed A).

Agrupashon Musikal Kompèr a animá djasabra último na Van Engelen Ballpark.

Djasabra 15 di aprel
Suvek Ballpark Vèlt B
The New Radiator 15, Wenman 0 (SMOB);
Chomchies 18, Bala Brother St Jacob 11 (SMOA);
Douane/Cap 16, Blue Spark Services 14 (SMBE);
Kustwacht 19, Digicel 6 (SMC);
SBAB 15, Ernst & Young 10 (SMC).

Ekipo Polis 40+ pendiente di otro resultadonan pa wak si e ekipo a klasifiká.

Djadumingu 16 di aprel
Suvek Ballpark Vèlt A
OMNI 7, Marine Kazerne Suff. 1 ((SME);
Brandweer 18, Selikor 2 1 (SME);
CITCO 6, Orco Bank/SSC/Garage.. (Coed D);
CPost/Leañez/ANPER Cargo 3, Global Paint/Bofrei Agencies 2 (SMOD);
SBAB 19, BDC/ENNIA 2 (Coed C));
CMC 11, Belastingdienst 8 (Coed C);
Building Depot/GGZ/Total Cleaning 10, SGR-Group/Orion B. General Construction 9 (Coed B);
EWT/Mc. Donalds/Centrum 9, ADC/Brandweer 6 (SFA).

Djuric Pieters, Robby Silberie i Cedrix Valies ta selebrá despues di a gana Polis djasabra último.

Djadumingu 16 di aprel
Suvek Ballpark Vèlt B
APC/IT/DOT 20, Keyfin/Pinnacle 15 (SMPE);
Blue Spark/Reliable renting 9, Guardian Group/ JE JE car rental 8 (SMPE);
Among Us 15, Happy Brothers 10 (SMO);
Selikor 1 10, Coca Cola 9 (SMA);
CITCO 14, Renaissance 13 (SMA).

Un minüt di silenso na memoria di umpire Elgio Acosta ku a fayesé siman pasá.

‍

Jeanoule Muller pa Curoil durante wega Curoil/MCB.

‍

Djadumingu ta entiero di umpire Eligio Acosta

WILLEMSTAD – Djadumingu lo dera e konosido umpire Eligio Acosta. Eligio Acosta a fayesé djabièrnè 14 di aprel den hospital CMC. Akto di entiero lo tuma lugá djadumingu 23 di aprel saliendo for di El Tributo Otrabanda pa Morada Santa den Hofi di Botelier. Acosta, un tremendo umpire ku tin sigur mas ku 30 aña na Kòrsou. Hopi aña pasá ela bai biba na Spaña, kaminda ela umpayá pa algun aña. Un umpire ku ta dirigí wega for di Little League te ku Dòbel A i un tempu tambe den Sòftbòl. Tambe e sa aktua den weganan di Beisbòl Veterano i Slowpitch.

Acosta, un gran persona i un gran umpire. Djadumingu lo hibe na su último lugá di sosiegu.

‍

MAS INFORMASHON DI SÒFTBÒL I BEISBÒL

‍
Fanátikonan di Deporte Kòrsou, bon dia i felis wikènt. Torneo Hope ta sigi djabièrnè i djasabra. Djadumingu lo no tin wega di Torneo Hope. Lo tin weganan den siman tambe e siman benidero. Djarason tin wega den oranan di anochi. Djaweps ku ta Dia di Rey lo tin weganan durante henter dia. Dia 28 di aprel ku ta wikènt otro siman lo start ku weganan di play-off. Tin algun wega krusial e wikènt aki, kaminda lo disidí klasifikashon den práktikamente tur divishon. Nos a risibí resultadonan di wikènt number 4.

Denery Meyer prospekto grandi di Beisbòl lokal a firma ku Royal Scorpions pa hunga Dòbel A. E tin apenas 16 aña.

* * * * *

Direktiva di Beisbòl Veterano a manda un karta kaminda ofishalmente nan ta anunsiá 3 persona ku a aserká pa tuma e batuta over. E miembronan di direktiva nobo ta Gilbert Denisia, Groeneberg i Job. Despues lo amplia e direktiva ku 2 pa 4 miembro mas. Miéntras tantu ekiponan di Beisbòl Veterano ta okupá ku training pendiente detayenan pa start kampionato. Kambionan ta sigi i algun hóben net 40+ ku a hunga den slekehson di Senior di aña 1999 lo drenta Beisbòl Veterano. Nos a tende ku Bertrand Peters lo tei ku Santa Maria den 2023. Tin indikashon ku Evanon Martis lo keda un aña mas ariba ku Santa Maria Pirates. Mas rumor ta ku Reggie Pietersz lo no bai Santa Rosa i lo keda ku ekipo The Brothers. Kambio grandi den Marchena Stars kaminda ku Jair Josepha lo no bira manager mas i lo keda ku Isla Crackers.

Denery Meyer ta tira 94 mia ku edat di 16 aña. E ta den klas Havo -4 i ta pendiente pa firma òf sigi College na USA. Jeremiah Jones tambe lo bai Dòbel A ku Royal Scorpions.

* * * * *

Jair tabata rumbo bèk pa Marchena Braves kaminda elo a bira manager, pero despues di algun moveshon den direktiva Jair Josepha a hala atras. Notisia kayente ta ku Jair Josepha lo ta ku Ban Serio den Liga 50 den 2023. Ban Serio tin un tim serio i ta faborito pa yega final. E ekipo a buska pichernan Galbao Boekhoudt i Nonnie de Roon bèk. Hungadónan nobo ta Jair Josepha, Kelvin Winklaar i Eldred Estanista. Ban Serio kandela i nos ta bai tira un bista ki dia Ban Serio lo topa ku grandinan manera Jaws, Baranka, Flamboyan, Marlins i otronan. Ban Serio tin dos siman liber pa despues e ekipo di Jerry Booi topa ku Marlins dia 6 di mei pa 12’or di mèrdia den Stadion Post 6. Ban Serio lo topa ku Baranka dia 13 di mei na Van Engelen Ballpark segun skema. Nos no sa ku Torneo Hope lo terminá pa e fecha ei.

Jair Josepha i Geronimo Daflaar. Jair ta den Ban Serio masha dia.

‍

* * * * *

Skema pa djasabra awor ta: 10.00 Artemisia – Baranka, 12.00 Catpower – Jaws, 14.00 Flamboyan Tigers - Lions i 16.00 Marlins – Pitufos. Ban Serio tin barwacht i Sluggers ta liber e wikènt aki. Djadumingu tin kampionato di Intermediate riba e parke. Kampionato Intermediate ta kayente ku Pariba dilanti 3-1. E ekipo ku yega 7 wega ganá promé lo representá Kòrsou di 2 pa 9 di yüli na Antigua. Nos tin e otro fechanan pa loke ta trata kampionatonan Latino i di Karibe di Little League. Di 25 di yüni pa 2 di yüli lo tin kampionato Senior di Karibe aki na Kòrsou den Tio Daou Ballpark. Akinan dos selekshon lo representá nos naturalmente. Liga Pariba i Liga Pabou. E ekipo ku gana e play-off lo hunga komo ekipo di kas esta, prime time den e wega di 7’or di anochi. Pariba a gana wega number 5 djasabra mainta. E standing ta Pariba 4, Pabou 1.

Marlins kontra Pitufos den wega kandela djasabra atardi.

* * * * *

Di 9 pa 16 di yüli lo tin kampionato di Karibe di Little League na Puerto Rico (Yabucoa). E selekshon ku gana di play-off entre Pariba, Pabou i Willemstad lo representá Kòrsou. Di 2 pa 9 di yüli tin kampionato Latino Americano di Junior den Tio Daou Ballpark. Play-off di Minor/Little League ta start djamars 25 di aprel na Frank Curiel Ballpark. Play-off Minor i Little lo hunga na Frank Curiel Ballpark. Play-off Junior I Senior ta riba fechanan 30 di aprel i 1 di mei na Tio Daou Ballpark.

* * * * *

Nos tin numeritonan pa loke ta trata e wega final di Liga 60 di Torneo Kid Boca Chica ku Los Amigos a gana ku skor di 7 pa 1. Los Amigos a dal 9 hit i hasi 1 eror. Norman ‘Junny’ Provence a gana. Elson Louisa i Marlins Winklaar a bati di 3-2. Ludson Bito di 1-1. Nos Power a bati 5 hit i hasi 2 eror. Ramon Moreta tabata e picher pèrdèdó. Pedro ‘Cubano’ Austriano a bati di 1-1. Remarkabel ta ku Junny Provence a gana tur e 4 weganan pa Los Amigos den e torneo aki.