Torneo Internashonal 60+ organisá pa Los Amigos dediká na Ibi Soerka i Rudy Brunken a start
WILLEMSTAD – Djabièrnè, 29 di sèptèmber 2023, tabatin apertura di Torneo 60+ di Dutch Caribbean na Frank Curiel Ballpark. Ekiponan ku ta partisipá na e torneo ta di Aruba, Aruba Juniors, Boomerang i Florsheim. Di Sint Maarten, Tigers 60+ di Boneiru, Bonaire Stars. Ekiponan Jaws, Nos Tambe Por, Pitufos i Lions lo kompeti den e torneo organisá pa Los Amigos.
E torneo yama Dutch Caribbean Master 60+ Softball Tournament i ta dediká na Ibi Soerka i Rudy Brunken. Kandela lo bai tin na Frank Curiel Ballpark i fanátiko yega na gran kantidat pa animá nos veteranísimonan. Djabièrnè nos tabata presente na apertura i tur wega ta keda transmiti
Lions a gana Curacao Super Stars 7-3 den Liga 60
WILLEMSTAD- Lions ku picheo di Elvis Jacobus a gana Curacao Super Stars ku skor di 7-3 den Liga 60 djadumingu na Frank Curiel Ballpark. Elvis Jacobus a bati di 2-1. Den otro wega Nos Tambe Por a gana Mon Repos Sluggers 10 pa 1 i Jaws a blankia Los Amigos 13-0.
RESULTADONAN
Lions 7, Curacao Super Stars 3
Lions a bati 9 hit i kometé 1 eror. Elvis Jacobus a gana i Elvis mes a bai di 2-1. Sherwin Floranus a bai di 2-2. Gensley Balborda ku Ernesto Priest a bai di 3-2. Pa Curacao Super Stars 10 hit ku 3 eror. Jin Kuang Li a pèrdè i e mes a bai di 1-1. Urvin Rijnschot, Kenneth Casper i Hermenegildo Bernadina, tur a bai di 2-1. Nelson Marks ku Albert de la Chiquez a bai di 3-2.
Nos Tambe Por 10, Mon Repos Sluggers 1
Nos Tambe Por a dal 16 hit i hasi 1 eror. Picher ganadó tabata Richinel Rafaela. Renato Anasagasti a bati di 3-3. Jurgen Lichtenberg i Migildo Scharbaai di 1-1. Richinel Rafaela i Winston Kirindongo a konektá un homerun. Sluggers a konektá 6 hit i hasi 2 eror. Frank Raphael tabata e picher pèrdèdo. Richenel Boeldak a bati di 2-2.
Jaws 13, Los Amigos 0
Jaws a dal 11 hit i kometé 1 eror. Rigoleto Thode tabata e picher ganadó. Fransje Lambertina a bati di 2-2, Tyron de Palm di 1-1. Los Amigos a dal 2 hit i hasi 4 eror. Raymond Zieck tabata e picher pèrdèdó. Gilbert Ijziek a bati di 1-1. Sendley Reina di 2-1.
:
Jaws ta gana dos wega den Liga van Engelen
WILLEMSTAD- Djadumingu 24 di sèptèmber, Jaws a gana The Kings i Navegantes den Liga van Engelen. Jaws a gana The Kings ku skor di 8 pa 5 i despues a gana Navegantes 9 pa 4. Den e otro wega ekipo Navegantes a gana di The Kings 13-12. Weganan ta sigi tur djadumingu na Van Engelen Ballpark
RESULTADONAN
Djadumingu 24 di sèptèmber
Jaws 8, The Kings 5
Jaws tabatin 12 hit ku 1 eror. Jermaine Esprit a gana. Raysheron Michel, Jonaikel Castro Arias ku Riordan Windster, tur a bai di 2-1. Erikson Senior ku Kevin Boekhoudt, ámbos di 3-1. Jurick Marlin a bai di 3-2 i Ruthviensley Windster di 4-2 i Jermaine Esprit di 3-3. Jonaikel Castro Arias, Ruthviensley Windster, Erikson Senior ku Kevin Boekhoudt, tur a konektá 1 homerun. The Kings tabatin 6 hit sin eror. Jourmaine Josepha a pèrdè. Jason Kleinmoedig a bai di 2-1, Ronald Rodriguez ku Zair Daal a bai di 3-2.
Navegantes 13, The Kings 12
Navegantes tabatin 18 hit ku 3 eror. Alexander Guanipa Anteguera tabata ganadó i Mysonn Cathalina a bai di 2-1. Jurnick Floranus, William Mau-A-Sam ku Alexander Guamnipa Anteguera, tur a bai di 3-2. Germain Genaro ku Andley Simmons a bai di 4-3 i Ryson Polonius di 4-4. Jurnick Floranus ku Ryson Polonius a konektá 1 homerun. The Kings a dal 16 hit i nan a hasi 2 eror. Joirmaine Josepha a resultá pèrdèdó i Temesh Lourens a bai di 4-1. Jason Kleinmoedig ku Zair Daal a bai di 3-2, Reamy Kleinmoedig ku Robert Ramazan a bai di 4-2 i Candrick Canister di 4-4. Temesh Lourens, Jason Kleinmoedig ku Zair Daal, tur a konektá 1 homerun.
Jaws 9, Navegantes 4
Jaws a dal 9 hit i hunga sin eror. Jermaine Esprit a bai ku e viktoria. Carlton Daal ku Kevin Boekhoudt, ámbos di 2-1. Riordan Windster ku Alexander Rodriguez di 3-2 i Ruthviensley Windster a bai di 4-2.
Navegantes tabatin 6 hit ku 1 eror. Ryan van Heydoorn a karga ku e derota. Reinier Polonius di 1-1 i Germain Genaro a bai di 2-1. Reinier Polonius a konektá 1 homerun.
Teksto pa pòtrèt
Jaws ku dos viktoria den Liga van Engelen djadumingu.
* * * * *
Faná di Deporte Kòrsou, djasabra tabatin weganan di Liga 50 na Van Engelen Ballpark. E weganan di siman pasá i e weganan ku ta bini e siman aki lo no trese kambio pa loke ta trata e klasifikashon di Liga 50. Ekiponan Baranka, Ban Serio, Jaws i Marlins a klasifiká i ta pendiente pa dia 7 di òktober e play-off start na Van Engelen Ballpark. E aña aki play-off lo hunga riba djasabra só, kompará ku e último añanan kaminda a hunga djasabra i djadumingu, debí ku kampionato a kuminsá lat i luna di desèmber dal adén. By the way, direktiva den pitu aki a bisa ku ta djasabra i djadumingu. Nos ta bai wak. E lucha pa kampion bate lo bira interesante otro siman na momentu ku Baranka topa ku Flamboyan djasabra awor. Jair Josepha di Ban Serio tin un average di .743 i Myron Wijman di Baranka tin .735. Myron mester bai 1-1 pa empatá i 2-2 pa pasa Jair Josepha, interesante.
* * * * *
Selekshon di Beisbòl di Kòrsou ta rumbo pa Puerto Rico pa Caribbean Cup 2023 di 1 pa 8 di òktober. Te ku fin di siman pasá no a risibí finansiamentu pa por yega Puerto Rico. Kuater ekipo lo tuma parti na e di 5 kampionato di Karibe. Kòrsou a bira kampion na 2021 ganando di e ekipo di Cuba den final aki na Kòrsou ku un viktoria di 4-3 den Stadion Tio Daou kompletamente yen. Tabata e úniko wega ku Cuba a pèrdè durante e torneo. Nelmerson Angela a gana e wega ei i Hershelon Juliana tabata e picher ku a salba e wega. E dos kèchernan Urlich Snijders i Stephan Vidal tabata grandi den e wega e tempu ei i nan a bati di 4-3 kada unu ku Urlich Snijders ku 2 empuhá.
%20copy.jpg)
* * * * *
Ekiponan ku ta partisipá den e di 5 Caribbean Cup ta Puerto Rico, Cuba, Kòrsou i US Virgin Island. Skèdjel ya ta kla i Kòrsou lo hunga kontra Puerto Rico djadumingu 1 di òktober pa 7.30 di anochi. Carlos Pineda ta manager di selekshon den un staf di 6 hende mas. Ramiro Balentina (Bench Coach), Dennis Neuman (Pitching Coach), Ghionelo Jansen (3rd Base Coach), Sorick Liberia (1st base Coach), Jonathan Ferreira (Bullpen coach) i Rodney Michel (Scout). Jonathan Ferreira un tempu tremeno prospekto shortstop ku no a firma nunka i Sorick Liberia estrea di Little League, kampion Mundial na 2004 i èks hungadó di College na USA tambe ta drenta kuerpo tékniko di selekshon. Djaweps e selekshon a Sali Purerto Rico.
* * * * *
Pa loke ta trata Beisbòl Veterano, djasabra siman pasa, ekipo Yesterday a sorprendé ekipo Isla Crackers ganando ku skor di 7 pa 2. Riëncy Imperator, yu di Bencho Imperator a dal un homerun kontra di Orsendo Clemencia ku a drenta di relevo pa Stanford Landburg. Yesterday su rèkòrt a bira 8-9 i ta empatá ku The Brothers na di 6 lugá den Beisbòl Veterano. Manera ta konosí e promé 6 ekiponan lo klasifiká. Na promé lugá ta Quality Stars sigí pa Isla Crackers, Santa Rosa Memories, Santa Maria Pirates. Jandoret Raiders, The Brothers, Yesterday i Vosama.
* * * * *
E promé 4-nan a klasifiká sigur, miéntras e otro 4-nan ta luchando pa klasifiká komo number 5 i 6. Ekiponan Azucar, Marlins, Otrabanda i Marchena no por klasifiká mas. Falta 5 wikènt mas pa terminá e buelta regular di Beisbòl Veterano. E último 6 weganan ta wikènt 28 i 29 di òktober i play-off entre 5 i 6 lo start 4 i 5 di novèmber. Nos ta keda te aki pa awe.
