Torneonan di Little League suspendé te otro aña
WILLEMSTAD- Curaçao Little League di spònser dor di RBC, Kenley Jansen i FDDK tin tur kos kla prepará pa e Torneo Kenley Jansen di aña 2020/2021. Ta trata aki di un torneo di Baseball Junior i Senior di sinku buèlta kaminda tur ekipo di tur tres Liga di Baseball na Kòrsou lo partisipá.
Konsiderando e desaroyo rondó di COVID-19 na Kòrsou, mal estado di terenonan despues di áwaseru fuerte último simannan i e proyekshon meteorológiko pa loke ta kaida di áwaseru pa e simannan ku ta sigui, den konsulta ku dirigentenan di tur Liga, Curaçao Little League a tuma desishon pa suspendé e torneo pa sobra di e aña aki i start ku esaki dia 9 di yanüari 2021.
