Trai Seru a gana Montagne Abou 13 pa 5 den Senior League
WILLEMSTAD- Trai Seru a gana Montagne Abou 13 pa 5 den Senior League djasabra último na Tio Daou Ballpark. Riba e fecha menshoná tabatin apertura ofishal di Beisbòl Little League i Torneo Kenley Jansen. Promé i despues di e seremonia di apertura tabatin 4 wega na Tio Daou Ballpark. E fin di e siman aki lo sigi ku weganan di Little League Beisbòl.
Algún hungadó di Trai Seru den dugout durante wega kontra Montagne Abou.
JUNIOR LEAGUE
Marchena(2) 6, Sta Maria(1) 2
Marchena a dal 5 hit i nan a kometé 2 eror. Ashton Rafaela a gana i e mes a bai di 1-1. Tishen Picus a konektá 1 homerun. Pa Sta Maria 3 hit ku 1 eror. Jayden Mulder a pèrdè. Day-Jendrick Anita a bai di 2-2.
Sta Maria (2) 10, Marchena(1) 2
Sta Maria tabatin 3 hit i nan a hunga sin eror. Jaeden Sille tabata ganadó. Gilventor Josephina a bai di 1-1. Marchena a bati 2 hit i nan a hasi 2 eror. Isaac Acosta a resultá pèrdèdó.
SENIOR LEAGUE
Marchena 10, St. Michiel 0
Marchena a bati 8 hit i nan a hunga sin eror. Chelton Jones a gana. Nathaniel Lourens a bai di 1-1. St. Michiel no tabatin hit i nan a hasi 2 eror. Jamdrick Cornelia a pèrdè.
Trai Seru 13, Montagne Abou 5
Trai Seru tabatin 5 hit ku 2 eror. Rubyore Manuel a gana. Gillian Balentina a bai di 1-1. Nathaniel Cijntje a konektá 1 homerun. Montagne Abou a bati 4 hit i nan a hasi 5 eror. Johaimry Balentina a pèrdè. Fitzgerald Villanueva a bai di 3-3.
